ICC Nunallu inoqqaavisa pisinnaatitaaffii

ICC naggueqatigiit Inuit siunnersuisoqatigiiffiattut Naalagaaffiit Peqatigiinnit (FN) nunani tamalaanni kattuffittut akuerisaalluni inissisimavoq, FN-ip ataani Aningaasarsiornermut Inooqatigiinnermullu Siunnersuisoqatigiinnut (ECOSOC) Immikkoortoq II naapertorlugu inissisimalluni. Tamanna FN-imi nunat inoqqaavinut tunngassuteqartuni allanilu peqataasinnaanermik oqaaseqarsinnaanermillu piginnaatitsivoq isumaqarlunilu.

Naalagaaffiit Peqatigiinni aammalu nunat inoqqaavisa pisinnaatitaaffiinik siuarsaalluni sulinermini FN piginnaatitsissutinik sisamanik tunngaveqarpoq.

  • Naalagaaffiit Peqatigiit nunat inoqqaavinut suliat pillugit Ataavartumik Ataatsimiittarfia (Permanent Forum on Indigenous Issues)
  • Nunat Inoqqaavisa Pisinnaatitaaffii pillugit Suleqatigiissitat immikkut Ilisimasallit (Expert Mechanism on the Rights of Indigenous Peoples, EMRIP)
  • Nunat Inoqqaavisa Pisinnaatitaaffii pillugit immikkut Nalunaaruteqartartoq (Special Rapporteur on the rights of indigenous peoples)
  • Voluntary Fund for Indigenous Peoples

ICC-p naggueqatigiit Inuit pisinnaatitaaffii taamatullu aamma Nunat Inoqqaavisa tamarmik pisinnaatitaaffiinik illersuinini ingerlattuassavaa. Taannalu pissaaq Nunat inoqqaavisa pisinnaatitaaffii pillugit Naalagaaffiit Peqatigiit nalunaarutaat (UNDRIP) nunani tamalaani inuit pisinnaatitaaffiisulli akuerisaalluni atuutilernissaanik sulinertigut. ICC-p siunnersuisinnaalluni FN-imi inissisimanera periarfissiivoq nunat inoqqaavisa pisinnaatitaaffiinik illersuinissamik, soorlu UNDRIP-imi pisinnaatitsisoq nunakkaartumik sumiiffikkaartumik pissarititanillu aqutsinermi.

FN-imi sulinermi sulianilu nunat inoqqaavisa pisinnaatitaaffiinut tunngasut piginnaatitsissutsit sisamat qulaani taaneqartut tunngavigalugit sulineq ingerlavoq.

Inuit Issittormiut Siunnersuisoqatigiivi nunat inoqqaavisa kattuffii allat peqatigalugit nunani tamalaani nunat inoqqaavisa pisinnaatitaaffiisa akuerineqarnissaat sulissutigaarput.

Nunat inoqqaavisa pisinnaatitaaffii pillugit Naalagaaffiit Peqatigiit nalunaarutaat Septembarimi 2007-imi atuutsilerneqarpoq. Tassanilu ICC ukiuni ingerlasuni suliarineqarnerani suleqataallunilu peqataasarsimavoq, nalunaarullu FN-imi allanilu oqallittarfinni tapersersortarlugu.

 

ILO-mi isumaqatigiissut conv. 169

 

INUTTUT-PISINNAATITAAFFIIT-PILLUGIT-SILARSUARMIOQATIGIINNUT-NALUNAARUT

 

Nunat inoqqaavisa pisinnaatitaaffii pillugit Naalagaaffiit Peqatigiit nalunaarutaat