Coronavirusip peqqinnissallu navianartui

Friday 6th of March 2020

Friday 6th of March 2020

ICC-mi siunnersuisoqatigiit siulittaasuat Dalee Sambo Dorough Tusagassiuutinut tamanut allagaqarpoq Coronavirus aamma  naggueqatigiit Inuit nunaanni inuit peqqinnissakkut aarlerinaataasinnaasut pillugit.

Coronavirusi siaruaakkaluttuinnarmat ICC-p arlerigivaa Inuit nunaanni avinngarusimasuni najugaqartut nappaateqalernissaminnut qaninnerusinnaasut, soorlu tunillannartumik nappaateqalersinnaasut, tamanna inoqarfiit assigiinngitsut inuiaqatigiinni aaqqissugaanerannut tunngavoq.

Inoqarfiit arlaqartut aaqqissugaanermikkut suli amigaateqarput, soorlu erngup kuuginartup amigaataanera, anartarfiit kuuginnartunik imeqannginnerat.

ICC-p nunat ICC-qarfiusunut naalakkersuisuinut kaammattuutigaa, inoqarfiit aaqqissugaanermikkut amigaataa iluarsiniaqqullugit, tamanna aningaasalersuinerunikkut pingaarnersiuinerunikkullu pisinnaasoq, pingaarnersiugassat tassaasinnaapput, ineqarnermut, imeqarnermut anartarfeqarnermullu tunngasut, silaannaap allanngoriartornera ilutigalugu iliuuserisariallit tamakku aamma naammassineqarsinnaapput. Iliuuseqarnissaq inuuniarnikkut aningaasaqarnikkullu assigiinnerusumik pissuseqartumik ingerlatsisoqalissaaq, taamaaqataanillu innuttaasunik tapersersuinissaq pisariaqarpoq nappaatinik pinngitsuuititsinissamut. Sumiiffinni assigiinngitsuni oqartussat/pisortat iliuuseqarnissaat pimoorussinermik imaqartariaqarput Coronavirusip allallu tunillannartut pissutigalugit. Tamakku pissutigalugit inuit nunannni siuuttut inuuniarnikkut, peqqinnissakkullu aarlerinartorsiorput.

Siulittaasup nalunaarutaa tuluttuinnaq aallassimasoq ataaniittoq toorlugu takuuk:

Coronavirus peqqinnissallu navianartorisinnaasai

 

Subscribe to our newsletter