Udenrigsministerip napparsimanera ataatsimiinnermi maluunniuppoq

Thursday 10th of May 2018

Thursday 10th of May 2018

Ulluni makkunani Inuit Issittormiut Siunnersuisoqatigiivisa siulitaasuat Aqqaluk Lynge Københavnimi peqataavoq inuit pisinnaatitaaffii aammalu avatangiisit pillugit ataatsimeersuarnermi. Ataatsimiinneq aaqqissuunneqarpoq nunat Aasiameersut Europamiullu suleqatigiiffiannit, Danmarkimi nunat allanut ministereqarfimmit aammalu Danmarkimi inuit pisinnaatitaaffii pillugit siunnersuisoqarfimmit.

Danmarkip nunanut allanut ministeria Villy Søvndal ullumi ataatsimiinneq naggaserlugu oqalugiartussaagaluarluni aggersinnaanngilaq ippassaq taqqamigut milittoorluni napparsimaleriataarnini pissutigalugu. Qujanartumilli erniinnaq napparsimavimmut pissunneqarami erniinnaq suliarineqarpoq ullumikkut ajunngitsoq oqaatigineqarluni. Piffissami sivisuvallaanngitsumi peqqissarnissaa ilimagineqarpoq unagsippallaanngitsukkullu sulileqqikkumaartoq neriuutigineqarluni.

Ataatsimiinnermi Aqqaluk Lyngip peqataaffigisaani qulequtaasoq tassaavoq qanoq ililluni inuit tunngavisumik pisinnaatitaaffii, nunarsuarmiut inatsisiliarisimasaat, avatangiisit innarlerneqannginnissaanik suliniuteqarnermi atorneqarsinnaanersut.

ICC-p siorna Danmarkimi Udenrigsminsitereqarfik 2016-ip tungaanut suleqatigiinnissamut isumaqatigiissuteqarpoq FN-imi suliaqarnermi peqataanissamut aningaasaliiffigineqarluni. Aqqaluk Lyngip neriuutigaa Nunanut allanut ministeri  peqqissilluarluni suliani nangeqqikkumaaraa. ” Villy Søvndal tassaavoq danskit ministeriini uagut suliatsinnut attuumassuteqarnerpaasoq. Issittumi pissutsit qanittumik attuumassuteqarfigivai, Nunatsinnullu qangali ikinngutaalluartuuvoq. Atorfissaqarteqaarput peqqissilluarnissaanillu kissaallugu”, ICC-p siulitaasua naggasiivoq.

Subscribe to our newsletter