Sikukkut ikaartarfik

Thursday 10th of May 2018

Thursday 10th of May 2018

Tusagassiorfitsigut nalunaarut, Septembarip 27-anni 2013

Pikialarsorsuaq/North Water pillugu isumattorsaqatigiinneq Oktoberip 25-ani 2013 naammassivoq.

Peqataasut, ilaatigut Pikialasorsuup eqqaani najugaqartuusut sinniisaat Canadamiit Nunatsinniillu, 20-nit amerlanerusut Inuit Issittormiut Siunnersuisoqatigiffiata (ICC-p) Nuummi allaffiani naapipput, sumiiffiup pineqartup, pingaaruteqassusaa eqqartorlugu.

Isumattorsaqatigiinnermi ulluni marlunni ingerlanneqartumi, ICC-p Oceans North Canada-llu aningaasaliiffigisaanni, sammisanut ilaapput, piniartut Nunavummi Mitsimatalimmit (Pond Inlet) Aajuitsumit (Grise Fiord) aamma Arctic Bay-mit, Nunatsinniillu Avanersuarmit Kullorsuarmiillu, Pikialasorsuaq pillugu maluginiagaat, taamatullu nunani taakkunani ilisimatuussutsikkut suliallit paasisaat. Isumattorsaqatigiinnermi sumiiffiup uummarissusiata kinguaassanut paarilluarnissaa nakkutiginissaatalu pilersaarusiornissaa, assut isumaqatigiissutigineqarpoq.

ICC-p suleqatigiit taakku suliaata malitseqartinnissaa siuttuuffiginiarpaa. ICC-lu isumaqarpoq suliat taama ittut avataaninngaanniit malittarineqartariaqartut.

Carl Chr. Olsen attavigineqarsinnaavoq, 55 33 69

Fakta box – Pikialasorsuaq/North Water Polynya

Pikialasorsuaq, Avanersuup aamma Ellesmere Island-illu akornanniittoq nunarsuarmi imartat ilaatigut sikumit unguneqarsimasartut, annersaraat. Aamma qaasuitsup avannaani imartat uumassusilinnik pinngorartitsinersaasa ilagaat. Miluumasut imarmiut arlallit Nunavup avannaani Avanersuarmilu piniarneqartartut tamaani ukiisarput, aammattaaq immap timmiarpassuinut pingaaruteqarluinnarpoq. Pikialasorsuup avannaa tungaani Kane Basin-imi sikukkut ikaartarfik inuit Kalaallit Nunaannut aqqutaasa siullerpaartarissagunarpaat. Sumiiffik tamanna ukiuni minnerpaamik 5000-ni inuit najugaqarfiisa avannarlerpaartarisimavaat.

Pikialasorsuaq

Subscribe to our newsletter