ICC-p Siulittaasuata Aqqaluk Lyngip Ukiortaami oqaaseqaata

Thursday 10th of May 2018

Thursday 10th of May 2018

Nalunaarut Januarip 3-anni 2012

EU-p puisimik pisunik tunisassianik niuernermik inerteqquteqarnerata akiornerani Danskit EU-mut siulittaasuunerat atorluartariaqarpoq

Inuit Issittormiut Siunnersuisoqatigiiffiata ukiup affaaa siulleq isumalluarnartoqarsinnaasoraa Danmarkip EU-mut siulittaasuunera iluatsillugu puisit amiinik sunilluunniimmi tunisassianik puisimit pinngortumik EU-p niueqqusinnginnerata qanoq iliuuseqarfiginissaanut. Issittormiummi inuutissarsioriaasiannik aningaasatigut taamatut pillaaniarnertut isikkulik kanngunartuliorneruvoq sutigut tamatigut akiugassaq.

Aqqaluk Lyngip oqaatigaa manna tikillugu puisip amii pillugit pisortatigoortumik danskit akuliunnerat kanngunaannartumik annikippallaartoq aammalu uumasunik illersuinermik aallaaveqanngitsumik naggueqatigiit Inuit piniartut aningaasarsiornissaraluannik ajoquserneqarnerat, soqqusaalliornerusoq, pingitsoorani naalagaaffiup innuttaaminik illersuinermigut qangali aaqqitariaqaraluangaa. Soorlu aningaasatigut annaasaqarnerup aaqqiivigineratigut.

Inerteqquteqarnerup ukiunik pingatsiilernerani ICC Canadamiunik peqateqarluni eqqartuussisutigut suliaa suli maannamut angusaqarfiunngilaq. Taamaattorli ICC-p pisortanut kimingiisernini unitsinnavianngilaa.

ICC-p siulitaasuata Aqqaluk Lyngip naggasiivoq oqarlunilu: “Issitumi piniartortagut europamiunit atuagarissaaqisunut naleqqiullugu ilungersorlutik napaniartut aningaasarsiorfissaannik aqisimaneqarput taamaattumik tunisassiaminnik tuinisisinnaannginnertik peqqutigalugu annaasaqarput tamannalu inerteqqutiginnittut tassa EU-p akisusaaffigisariqarpaa.”

Aqqaluk Lynge ukiortaami oqqaseqaateqarnermini ilaatigut taama oqarpoq oqaatigalugu inuit pisinnaatitaaffii pillugit ilungersorneq ukiortaami annikillinavianngitsoq.

Subscribe to our newsletter