ICC-p Siulersuisuunerit Nuummi ataatsimiipput

Thursday 10th of May 2018

Thursday 10th of May 2018

Tusagassiorfitsigut nalunaarut Nuuk, 13. januar 2015

Ullumi 13. januar Inuit Issittormiut Siunnersuisoqatigiiffiata (ICC) siulersuisuuneri nutaat Nuummi  ataatsimiillutik aallartipput. Ataatsimiinneq 15. januar ilanngullugu pisussaq aasaq julimi ICC-p ataatsimeersuarnerata kingorna ataatsimiinnerit siullersaraat. Ulluni pingasuni ataatsimiinnermi ataatsimeersuarnerup inerniliussaani Kitigaaryuinit Nalunaarummi suliassiissutit aallaavigalugit suliareqqusat qanoq ICC-qarfinnut agguataarneqassanersut aamma eqqartorneqassapput. ICC Kalaallit Nunaata siulittaasua Hjalmar Dahl Nuummi ataaatsimiinnermiut qaaqqusisuusup oqaatigaa, nunanit ICC-qarfinnit, tassaasunit Canada, Alaska, Tjukotka Nunarpullu, suliaminnik nalunaaruteqareerpata, siulersuisuunerit Kitigaaryuinit Nalunaarutip suliassiissutaani qulequttat qulingiluaasut iluanni pingaarnersiuillutik suliassanik agguataarissasut.

Qulequttat tassaapput: Issittumi nammineq naalakkersornermut tunngasut nunanilu tamalaanni suliat– Inoqarfiit peqqissut aamma ilaqutariit peqqissut – Piujuartitsinermik tunngaveqartumik isumalluutinik atuineq aqutsinerlu – Issittumi aningaasarsiorneq aamma isumalluutinik ineriartortitsineq – Piginnaasat, attaveqatigiinneq aamma inoqarfiit piujuartut kiisalu Avatangiisit allanngornerannut iliuuseqarnissat.

Paasissutissat annertunerusut: Hjalmar Dahl, oqarasuaat: 323632

Subscribe to our newsletter