ICC-p Nuummi Qullersaqarfiani pisortaaninngorpoq

Thursday 10th of May 2018

Thursday 10th of May 2018

Februarip 1-anni 2012

Alfred E. R. Jakobsen ICC-p Qullersaqarfiani Nuummiittumi pisortaaninngorpoq Februarip aallaqqaataaniit 2012. Alfred Jakobsen-ip taarserpaa Sara Olsvig ukiarmi Folketingimut qinigaanermi kingorna atorfimminit sulinngiffeqarallartoq.

Alfred Jakobsen atorfinitsinneqarsimavoq misilittagai annertuut tunulequtaralugit tassami Alfred siornagut ICC-p siulersuisuini ilaasortaasimavoq, naalakkersuisuni ilaasortaasimalluni pisortaqarfinnilu arlariinni qullersaasarsimalluni.

Alfred Jakobsen nunat tamalaat akornanni sulinermi oqaatsitigut piumasaqaataasut tamaasa pisinnaasaqarfigai kalaallisut, tuluttut danskisullu allassinnallunilu oqalussinnaagami.

Naggueqatigiit Inuit suleqatigiiffianni siulittaasuuneq Kalaallit Nunaata akisussaaffigaa 2010-miit 2014-ip tungaanut – piffissamilu tassani qitiusumik Nuummi allaffeqarluni. Tullianik ICC ataatsimeersuassaaq 2014-imi, tassani nunap allap ICC-mi ilaasortap akisussaaffik tigussavaa.

Aqqaluk Lynge
ICC-p Siulittaasua

Subscribe to our newsletter