INUIT ISSITTORMIUT SIUNNERSUISOQATIGIIFFIAT – MALITTARISASSAT
Inuit Issittormiut Kattuffiat Kalaallit Nunaat (ICC Greenland)
§1
Atia
Kattuffik ateqarpoq naggueqatigiit Inuit Issittormiut Kattuffiat, Kalaallit Nunaat, (ICC Greenland).
§2
Siunertaq
Kattuffiup siunertaa Inuit Issittormiut Kattuffiannut, ICC-mut ilaasortaanissaq, ICC tassaavoq naalakkersuisutiguunngitsumik suleqatigiiffik (NGO) FN-imit akuerisaasoq.
§3
Aallartitat
Imm.. 1. ICC Greenland-imi qullersaallutik oqartussaapput taasisinnaallutik aallartitat 18-iusut.
Imm.. 2. Ilanngussaq 1-imi suliniaqatigiiffiit allattorsimasut tassaapput taasisinnaallutik aallartitanik toqqaasinnaatitaasut.
Imm.. 3. Taasisinnaallutik aallartitanik toqqaaneq pissaaq ICC-p inatsisai ulluinnarnilu aqutsinermi maleruagassai najoqqutaralugit.
Imm.. 4. Taasisinnaallutik aallartitat tassaapput ICC-p ataatsimeersuarnerani kisimik taasisinnaatitaasut.
Imm.. 5. Suliniaqatigiiffiit aallartitaqarsinnaatitaasut sinniisussamik toqqaasinnaatitaapput. Sinniisussaq aallartitanit tamanit akuersissutigineqartassaaq.
Imm.. 6. Ataatsimeersuarnerit akornanni suliniaqatigiiffiiup aallartitaqartuusup aallartitaa pisinnaajunnaassagaluarpat suliniaqatigiiffiup aallartitaqartuusup sinniisussaasoq isertissinnaavaa, sinniisussamillu nutaamik ullut 30-it qaangiutsinnagit toqqaalluni.
Imm.. 7. Piffissarititaasoq imm. 6 malillugu qaangerneqarsimappat sulilu nutaamik toqqaasoqarani ICC Greenland-ip siulersuisui namminneerlutik aallartitamik toqqaasinnaatitaapput.
Imm.. 8. Kalaallit Nunaat sinnerlugu taasisinnaallutik aallartitaasut sapinngisaq naapertorlugu kalaallit inuiaqatigiit ataatsimut soqutigisaat sinnersinnaasariaqarpaat.
Imm.. 9. Taasisinnaallutik aallartitat 18-iusut ilaasortai tassaapput inuttut pisinnaasai aallaavigalugit immikkut toqqarneqarsimasut.
Imm. 10. Taasisinnaalluni aallartitaq ICC Greenland-p allattoqarfiani atorfeqartuusinnaanngilaq.
§4
Taasisinnaallutik aallartitat inissitsiternerat
Imm. 1. ICC-p ataatsimeersuarnissaa sioqqullugu taasisinnaallutik aallartitat ataatsimeerngaarnerminni inissitsitissapput, qinissallugit: siulleq præsidenti, siulersuisunut ilaasortaq ataaseq, kiisalu taasisinnaallutik aallartitat nunatsinneersut ataatsimeersuarnermi siulittaasussaat.
Imm. 2. Taasisinnaallutik aallartitat siulittaasuat ICC Greenland-mi siulersuisunut ilaasortanngussaaq tullianik nutaanik aallartitanik qinersinissap tungaanut. Tamannalu pissaaq ICC-p inatsisai ulluinnarnilu aqutsinermi malittarisassai naapertorlugit.
Imm. 3. Immikkoortoq 1-imi aamma 2-mi taaneqartut tassaapput ICC Greenland-mi siulersuisuusut taasisinnaallutik aallartitat nutaat ataatsimeersuarnissamut tullermut qinerneqarnissaata tungaanut atasussat soorlu ICC-ip inatsisaani ulluinnarnilu aqutsinermi malittarisassaani allassimasoq.
Imm. 4. Qinersineq isertortumik taasinikkut pisassaaq. Ukioq taanna ICC Greenland ICC-p præsidentissaanik toqqaasinnaatillugu nunarput sinnerlugu prÊsidentitut qinigassanngortittussamik aamma toqqaasassaaq.
Imm. 5. Inissanut qineqqusaartut arlariiuppata toqqarneqartassaaq isertortumik taasinikkut amerlanernit qinerneqarsimasoq.
Imm. 6. Taasisinnaallutik aallartitaasut avataanneersumik qinigassanngortitsisoqarsinnaavoq siulersuisunut innersuussuteqarnikkut. Tamannalu akuersaarneqassappat taasisinnaallutik aallartitat ilaat aqqutigalugu taamaallaat qinigassanngortitsisoqarsinnaavoq.
Imm. 7. Qinigassanngortitsineq Imm. 6 malillugu ingerlanneqarpat aallartitap qinigassanngortitsisup taasisinnaatitaanini qinigassanngortitaminut tunniutissavaa.
§5
Taasisinnaallutik aallartitat ataatsimiittarnerat
Imm. 1. Ukiumut ataasiarluni nalinginnaasumik taasisinnaallutik aallartitat ataatsimiitinneqartassapput, tassani saqqummiunneqassapput nalunaarut, naatsorsuutit kukkunersioriikkat kiisalu kukkunersiuisumik qinersineq.
§6
ICC Greenland-p Præsidentia
Imm. 1. ICC Greenland-p ulluinnarmi aqutsinermi qullersaraa prÊsidenti,
aamma ICC-mi præsidentiunermi nalaani ukiumoortumik ataatsimiinnermi siulersuisullu ataatsimiinnerini aalajangersakkat najoqqutaralugit.
Imm. 2. Præsidentip peqqutissaqavissumik atuutinngikkallarfiani (sulinngiffeqarnermi, feeriarnermi, napparsimanermi il. il.) ICC Greenland-p ulluinnarni ingerlatsinera siulersuisunut ilaasortamit arlaannit akisussaaffigineqarsinnaavoq.
Imm. 3. ICC Greenland-ip ICC-mi præsidentiuffik tigummippagu ICC-p inatsisai ulluinnarnilu aqutsinermi malittarisassai aalajangiisuuvipput.
§7
Siulersuisut
Imm. 1. Siulersuisut pingasunik ilaasortaqarput, takuuk § 4 imm. 1
Imm. 2. Siulittaasoq tassaavoq ICC Greenland-mi prÊsidentiusoq imaluunniit aamma ICC-imi præsidentiutigisoq.
Imm. 3. Siulersuisut akisussaaffigaat ICC-p inatsisaasa ulluinnarnilu aqutsinermi maleruagassaasa malinneqarnissaat.
Imm. 4. Siulersuisut ICC-p ataatsimeersuarnerisa akornanni aamma ICC Greenland-ip ukiumoortumik ataatsimiinnerisa akornanni pisariaqartitsineq naapertorlugu ataatsimiissinnaapput.
Imm. 5. Siulersuisut aalajangigaat isumaqatigiinnikkut aalajangerneqartassapput.
Imm. 6. Siulersuisut isumaqatigiissutinik atsiukkanik malitsitsinissaq nakkutigisassaraat.
§8
Akisussaassuseqarnermut aalajangersakkat
Imm. 1. ICC Greenland-p præsidentiata ICC Greenland akisussaaffigaa ICC-imi præsidentiutitaqarnerup nalaani akisussaaffik tamakkiisumik oqartussaaffigiitigalugu.
Imm. 2. ICC Greenland-p præsidentiata akisussaaffimmi ilai siulersuisut isumasioreernerisigut allamut pisinnaatitsinikkut akisussaaffigitilersinnaavai.
Imm. 3. ICC/ ICC Greenland-mi siulersuisut avataaniittunut, soorlu aalajangersimasumik suliassiisoqarsimatillugu pisinnaatitsissummik inunnut ataasiakkaanut tunniussisinnaatitaavoq.
Imm. 1. ICC Greenland-p allattoqarfia inuttaligassaq ICC Greenland-p præsidentianit, aningaasaqarnikkut ingerlatsisumit aammalu sulisut atorfissaqartitsineq naapertorlugu amerlassusillit.
Imm. 2. ICC Greenland-p ulluinnarni aqutsinera præsidentimit ataqatigiissaarneqartassaaq.
Imm. 3. Præsidentip allattoqarfimmi sulisunut akisussaassuseq isumagisassanngortissinnaavaa.
Imm. 4. Aningaasaqarnikkut ingerlatsisup naatsorsuuserineq aningaasartuutissanillu missingersersuuserineq akisussaaffigaa.
Imm. 5. Allattoqarfiup aningaasaqarnikkut ingerlatsisua siulersuisunit ivertinneqartussaavoq præsidentip innersuussuteqarneratigut.
Imm. 6. Allattoqarfimmi sulisut sulinerminnut tunngatillugu isumaqatigiissusiorneqartassapput qaammat ataaseq sinnerlugu imaluunniit sapaatip akunneranut minnerpaamik nalunaaquttap akunneri qulit suliffeqassagunik.
Imm. 7. Allattoqarfiup akisussaaffigaa paasissutissat taasisinnaallutik aallartitanut kattuffinnullu aallartitaqartitsisunut apuutissallugit.
§ 10 Atorunnaarsitsineq
ICC, naggueqatigiit Inuit Issittormiut Kattuffiattut atorunnaarsinneqassagaluarpat Inuit Issitttormiut Kattuffiat Kalaallit Nunaat (ICC Greenland) atorunnaarsinneqarsinneqassaaq. Tamanna aatsaat pisinnaavoq ICC Greenland-imi immikkut ittumik ataatsimeersuarnermi taasisinnaallutik aallartitat ikinnerpaamik 2/3-liisa isumaqatigiillutik aalajangiinerisigut.
§9 Allattoqarfik
Imm. 2. Ataatsimiinnermi aalajangiisinnaassuseq aatsaat pisinnaavoq aallartitat ikinnerpaamik 2/3-ii peqataappata.
Imm. 3. Taasisinnaallutik aallartitat ataatsimiinneranni aalajangiineq nalinginnaasumik amerlanerussuteqarnikkut pisassaaq.
