ICC-p Peqqissuseq pillugu ataatsimeersuartitsinera attaveqaatitigut ingerlanneqartoq ullumikkut aallartippoq – Inuit Kulturiat Peqqissuserlu sammineqassapput

ICC-p Peqqissuseq pillugu ataatsimeersuartitsinera attaveqaatitigut ingerlanneqartoq ullumikkut aallartippoq – Inuit Kulturiat Peqqissuserlu sammineqassapput

Wednesday 22nd of September 2021

Wednesday 22nd of September 2021
page1image40537040

ICC-p Peqqissuseq pillugu ataatsimeersuartitsinera attaveqaatitigut ingerlanneqartoq ullumikkut aallartippoq –
Inuit Kulturiat Peqqissuserlu sammineqassapput

Nuuk, 20. september 2021 Nuannaarutigaarput ICC-ip 2021-mi Peqqissuseq pillugu attaveqaatitigut ingerlanneqartumik

ataatsimeersuartitsinissaa 20. septemberimiit 26. oktober ilanngullugu pisussaq nalunaarutigisinnaagatsigu. Sammineqartussat tassaapput naggueqatigiit Inuit piorsarsimassuseqarfiini najugaqarfiinilu peqqissutsimut tunngasut.
Issittumi Inuit Peqqissusaat pillugu Aqutsisoqatigiit (CIHSC) ukiuni marlunni ataatsimeersuarnissaq pilersaarusiorpaat.

”Naggueqatigiit Inuit nalunngilaat, piorsarsimassutsimik ingerlatsineq pingaartitsinerlu imminortarnernut akiuussutissat pingaarluinnartut ilagigaat,” taama ICC-mi tamakkiisumik siulittaasoq Dalee Sambo Dorough, Alaska oqarpoq.

Inuit Peqqissusaat pillugu ataatsimeersuarnermi inuusuttut piorsarsimasutsiminnik tunngaveqarniarnerminni suut iluaqutaanersut suullu iluaqutaannginnersut inuuffigisatsinni ammasumik oqaluuserisinnaavaat. Inuusuttut utoqqartatsinnit aammalu naggueqatigiit Inuit akornanni siuttunit saqqummiussassaannillu soqutiginnilluartunit isummersorneranni peqatigineqarlutillu malinnaavigineqassapput. Ilanngullugu naggueqatigiit Inuit ataatsimoorlutik piorsarsimassutsiminni inuunermillu ingerlaarneranni tapersersuilluitillu aamma peqataassapput.

“Ataatsimeersuarnissamik piareersaasut isumassarsiorluarnerini aalajaallutillu piviusunngortitsiniarnerminnilu suliuarneri pillugit nersualaarusuppakka”, CIHSC-imi siulittaasoq Minnie Gray oqarpoq nangillunilu:

”ICC-ip peqqissuseq pillugu 2021-mi ataatsimeersuartitsinissaanut peqataasussat tikilluaqqunissaat qilanaaraara. Qaammatit 18-nit kingulliit ingerlanerini misigisavut amerlaqaat. Naggueqatigiit Inuit inuuffigisaasa akornanni attaveqatigeeriaatsinik nutaanik nassaarpugut. Attaveqaatit atorlugit attaveqarsinnaaneq naammasisaqarfiulluarsinnaasutut aamma nalilerneqartariaqarpoq. Tamanna februar/marts 2021-mi nunarsuarmi ilisimasat pillugit paarlaateqatigiinnerit attaveqaatitigut ingerlanneqartup ”Local 2 Global Virtual Knowledge Exchange”-ip uppernarsisippaa. Saapaatit akunnerini tulliuttuni taamatut ataatsimeerssuarnissami peqataasussat naggueqatigiitt Inuit pisariaqartitaannik nutaamik iluaqutaasussamillu aamma piorsarsimassutsimik naleqartitsinermi atorluarneqarsinnaasumik takusaqarlutillu sammisaqassapput”.

Eqimattakkaani pingasuni inunnit 18-nit peqataaffigineqartuni arfinilinnillu immikoortortaqartuni 20. septemberimiit 26. oktober ilanngullugu peqataassapput. Ataatsimiinnerit 3 tiimikkaartut Zoom aqqutigalugu ingerlanneqassapput. Ataatsimeersuarneq kalaallisut, inuktitut, russisut tuluttullu oqaasilinnit peqataaffigineqassaaq.

Ataatsimiinneq kingulleq piorsarsimassutsimik nalliuttorsiornertut oqaloqatigiinnikkullu alloriarnissamut tullermut piareersaataasunik imaqassaaq.
Ataatsimmeersuarnermi peqataasut suliaqarfiit sammisaqarfiillu ”Inuunerup
Orpia”, ”Piorsasimassutsip Iluliarsua”, ”Naggueqatigiit Inuit pingaartitaat aallaavigalugit angajoqqaajussuseq”, ”Piorsarsimassusermi uterteqqitat”

aammalu imminornaveersaartittillluni suliaasinnaasunik atorneqarsinnaasunillu
saqqumiisoqassaaq. 26. oktober 2021 sammisaqarfimmi kingullermi General Guvernør Mary Simon ilisaritinneqassaaq.

Ataatsimeersuarneq pisussaq 2018-mi ICC-p Alaskami ataatsimeersuarnerani inaarutaasumik nalunaarummi (Utqiaġvimmit Nalunaarummi) Issittumi naggueqatigiit Inuit peqqinnissaat inuunerinnissaallu pillugit ICC-p ataatsimeersuartitsisarnissaanik inassuteqaatip kingunerisa ilagaat. Peqqissutsimi assigiinngissutsit ilaqutariinnermillu akornusiisut atorunnaarsinnissaat anguniagaavoq. Anersaakkut peqqissuseq aammalu atornerluinernut imminortarnernullu akiuiniarnerit ataatsimeersuarnermi pingaartinneqassapput.

Ataatsimeersuarnermi nunatsinniit peqataasussat tassaaput: Paarisa, Inuiaqatigiit Peqqissusaanik Aqutsisoqarfik, MIO, Sorlak, Ilisimatusarfimmi ilinniartut, inuusuttut soqutiginnittut, Kalaallit Røde Korsiat – INUA.

 

Attaveqarfissaq:

Tukumminnguaq Nykjær Olsen
ICC Kalaallit Nunaat
Tlf.: 32 36 32 – E-mail: tukumminnguaq@inuit.org

 

Inuit Circumpolar Council – Greenland • P.O. Box 204, Ceresvej 7, 3900 Nuuk, Greenland Phone +299 323632 • E-mail iccgreenland@inuit.org

 

Subscribe to our newsletter

No Comments

Post A Comment