English
Dansk
Kalaallisut

E-mail iccgreenland@remove-this.inuit.org
Phone +299 323632 

ICC Kalaallit Nunaat inuiaqatigiinnut kalaallinut akikinnerpaavoq

ICC Kalaallit Nunaat ICC Canadamit Naalagaaffimmit annikinnerusumik tapiiffigineqartarpoq, misissuinerup takutippaa. Naalakkersuisut kattuffiup maani nunami akisuallaarneragaanerat taamaalilluni eqqunngilaq.

ICC-ip immikkoortortaqarfiinut Canadamiittumut, Kalaallit Nunaanniittumut Alaskamiittumullu ataatsimoortumik naatsorsuutinik takussutissiinerup takutippaa ICC Kalaallit Nunaat kalaallinut akileraartartunut akikinnerusoq Canadami akileraartartunut sanilliullugu.

Naalakkersuisut siulittaasuata Aleqa Hammondip, KNR-mi Qanorooq-kut oqaaserisaanut tamanna akerliulluinnarpoq, taassumami oqaatigaa ICC Canada pisortanit taamaallaat 4 %-mik tapiiffigineqartartoq.

ICC Canadamummi aningaasaliissutaasartut ilai pisortanit tapiissutaasartut katillugit 66 5-iupput, Kalaallit Nunaannilu 60 %-iullutik.

Takussutissiineruttaaq takutippaa ICC Kalaallit Nunaat ICC-ip immikkoortortaqarfiinut allanut sanilliullugu nammineq aningaasannanniarnermigut angusartagai pitsaanerpaajusut, tamannarpiaavorlu aamma Aleqa Hammondip ujartugaa tassalu ICC Kalaallit Nunaat tamatumuunatigut pikkorinnerusariaqarnerarlugu.

Imaappormi ICC Kalaallit Nunaata aningaasatigut tamakkiisumik atugassaannit sisamararterutingajai aningaasaateqarfinnit assigiinngitsuneersuupput, ICC Canadamilu kisitsisit tassuunatigut annikinneralutik.

ICC Canadap ukiumoortumik aningaasartuutissatut missingersutaasa annerpaartaanerat aamma takussutissiatigut uppernarsineqarpoq.

- Takussutissiatigut uppernarsarneqarpoq, uagut maani Kalaallit Nunaanni akileraartartunut allanut sanilliullugu akisunerunngitsugut. Taamaattumik Naalakkersuisut tunngavilersuutaat eqqortortaqangaanngilaq, isumaqarpugullu pissutsinik piviusunik tunngaveqartumik paasissutissiisalertariaqartut, kattuffiup suujunnaarsinniarneqarnera sipaarniuteqarnikkut angunialersinnagu, Aqqaluk Lynge oqarpoq.

Aqqaluk Lyngep ilanngullugu erseqqissaatigaa ICC-ip allaffissornikkut aningaasartuutigisartagai – soorlu tusagassiorfitsigut ilaatigut nalunaarutigineqartutut – NGO-nut allanut sanilliullugu annertunerunngilluinnartoq.

- Aningaasarpassuit akissarsianut atorneqartarput, aningaasarsialli taakkorpiaat suliniutit immikkut aningaasalikkat naammassiniarnerannut atorneqartarput taamatullu allaffissornikkut aningaasartuutit ilaattut naatsorsuutigisassaanatik. NGO-uummi silarsuaanni nalinginnaasumik taamaaliortoqarneq ajorpoq.

 

Inussiarnersumik inuulluaqqusillunga/Med venlig hilsen

 

Aqqaluk Lynge

ICC-mi siulittaasoq/Formand i ICC

Maani najoqqutassat aajuk:

  1. <media 561 - - "TEXT, 1 Greenland-Alaska-Canada breakdown financial support APRIL2014-1, 1_Greenland-Alaska-Canada_breakdown_financial_support_APRIL2014-1.pdf, 98 KB">Greenland-Alaska-Canada breakdown financial support</media>
  2. <media 562 - - "TEXT, 2 Aningaasaliissutinut nassuiaat finansieringsnotat, 2_Aningaasaliissutinut_nassuiaat_finansieringsnotat.pdf, 78 KB">Aningaasaliissutinut nassuiaat - Finansieringsnotat</media>
  3. <media 563 - - "TEXT, 3 ICC FFL2014 foelgevirkninger nassuiaatit, 3_ICC_FFL2014_foelgevirkninger_nassuiaatit.pdf, 91 KB">ICC nassuiaatit - ICC følgevirkninger</media>
  4. <media 564 - - "TEXT, 4 ICC Grl deltagelse REVIDERET Budget 2014 pr Ark1, 4_ICC_Grl_deltagelse_REVIDERET_Budget_2014_pr_Ark1.pdf, 45 KB">ICC GL deltagelse Generalforsamling revideret budget 2014</media>
  5. <media 565 - - "TEXT, 5 Budgettal 2014 2015 2016 2017 Budget Faktiske 2014, 5_Budgettal_2014__2015__2016__2017__Budget_Faktiske_2014.pdf, 91 KB">Budgettal 2014-2017, budget faktisk 2014</media>
  6. <media 566 - - "TEXT, 6 Driftsbudget 2014 16 Ark1, 6_Driftsbudget_2014_16_Ark1.pdf, 52 KB">Driftsbudget 2014-2016</media>
  7. <media 567 - - "TEXT, 7 Liste over den groenlandske delegation , 7_Liste_over_den_groenlandske_delegation_.pdf, 56 KB">Liste over den grønlandske delegation</media>
  8. <media 568 - - "TEXT, 8 ICC Grl fordeling 2012-13, 8_ICC_Grl_fordeling_2012-13.pdf, 135 KB">ICC GL fordeling indtægt-udgift 2012-13</media>