English
Dansk
Kalaallisut

E-mail iccgreenland@remove-this.inuit.org
Phone +299 323632 

INUIT ILISIMASAMINNIK PIGINNITTUSSAATITAANERISA ILLERSORNEQARNISSAAT

Inuit Issittormiut Kattuffiata siulersuisuunerisa aalajangersagaat 2003-03

IMAAMMAT Nunarsuarmioqatigiit Inuit Pisinnaatitaaffiinik Nalunaarutaanni (Universal Declaration on Human Rights) immikkortut 27-ani kiisalu Aningaasarsiornikkut, Inuuniarnermi atukkatigut Kulturikkullu Maleruaqqusami (Covenant on Economic, Social and Cultural Rights) immikkoortut 15-ani Nunap Inoqqaavisa ilisimasaminnik kulturiminnillu illersuisinnaanerat pisinnaatitsissutaammat.

IMAAMMAT naggueqatigiit Inuit Issittumi najugaqartut ilisimasaminnik kulturiminnillu piginnittussaanermik ineriartortitsisimammata, Inuit kinaassusaannut ilaalluinnartumik.

IMAAMMAT Inuit Issittormiut Kattuffiat pilersinneqarmat ilaatigut makku siunertaralugit:

Naggueqatigiit Inuit pisinnaatitaaffii soqutigisaallu illersussallugit;

Imminut napatissinnaaneruneq siuarsassallugu, aamma

Naggueqatigiit Inuit kulturiata inuuffigisaasalu maannamut siunissamullu patajaallisarnissaat siuarsarnissaallu.

IMAAMMAT ICC-ip naqissuseqqimmagu naggueqatigiit Inuit ilisimasamikkut kulturimikkullu pigisaasa illersornissaat soorlu tamanna Kuujjuarmi nalunaarutip immikkoortuani 14-imi 18-milu allassimasoq.

IMAAMMAT Uumassuseqangaassutsimut Konventionimut (Convention on Biological Diversity) illua'tungeriit ataatsimiinneranni aalajangikkat ingerlatsinermullu malittarisassat piumasaqaatigigaat Qangaaniilli ilisimasat illersugaanissaat.

IMAAMMAT suliffeqarfippassuit naggueqatigiit Inuit ilisimasamikkut kulturimikkullu pigisaat atornerlukkaat, amerlasoorsuanngorlugillu tunisassiaralugit naggueqatigiit Inuit akuersiteqqaarnagit, iluanaarutissaannillu akiliiffiginagit ilanngartuullugillu aningaasarsiorsinnaanerat innarlerujussuarlugu.

IMAAMMAT suliffeqarfiit naggueqatigiinnit Inunnit pigineqartut ilaat atornerluinikkut pilersitanik tuniniaasarmata, soorlu amerlasoorsuanngortitanik Inuit ilusiliaannik eqqumiitsuliaannillu tunngaveqartunik.

IMAAMMAT aningaasarsiorniarfiit ataavartumik naggueqatigiit Inuit qittasitoqaat, erinarsuutitoqaat ileqqorsuutitoqaallu atornerlukkaat.

4.TAAMAATTUMIK AALAJANGERNEQARPOQ ICC-ip iliuutsini sakkortusassagai naggueqatigiit Inuit ilisimasamikkut kulturimikkullu pigisaasa illersornissaat qulakkeerniarlugu.

ILANNGULLUGU AALAJANGERNEQARPOQ ICC ilaasortaqarfimmini tamani ajornanngikkaangat suliffeqarfiit niuertarfiillu naggueqatigiinnit Inunnit pigineqartut allallu niuernikkut ingerlatseqatigiiffiit kajumissaassagai, naggueqatigiit Inuit ilisimasatigut kulturikkullu pigisaannik atornerluineq aqqutigalugu tunisassianik tuniniaajunnaaqqullugit.