English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

ISSITTUMI SIUNNERSUISOQATIGIIT

 

Issittumi Siunnersuisoqatigiit aatsaat 1996-mi pilersinneqarput. Taamanikkut pilersitsinikkut Siunnersuisoqatigiit Avatangiisit Illersorneqarnissaat pillugu Periusissiaasimasup (AEPS) suliai nanginneqarput. AEPS-mi suliat ICC-p avatangiisit pillugit suliniarneranut tunngaviupput amerlanersaallu naammassineqarlutik. Naalagaaffiit Issittumi arfineq-pingasut Issittumilu nunat inuiisa kattuffiisa Issittumi Siunnersuisoqatigiit pilersikkamikkik ernumassutit suulluunniit pillugit oqallittarfimmittut atorpaat. Siunnersuisoqatigiit aallaqqaammut suliniutissat pillugit ingerlatsinissaaq ajornartorsiutigaat, AEPS-mik nangitseqqinneq eqqaasanngikkaanni, suliaat annikitsuinnaavoq. Taamaakkaluartoq 1998-mi Ataatsimeersuarnermi ICC annertuumik pisinnaatinneqarpoq Issittumi Siunnersuisoqatigiinni ilungersortumik sunniuteqarniaqqullugu Issittumi Inunnut ajunngitsumik kinguneqartussat aaqqiiviginissaat siunertaralugu.

Issittumi Siunnersuisoqatigiit nittartagaat: www.arctic-council.org

AEPS pillugu Ukiunik qulinngortorsiortut toqqaannartumik malinnaaffigikkit

Issittumi Siunnersuisoqatigiit allattoqarfiata Rovaniemimi ukiut qulinngortorsiuillutik nalliuttorsiornerit internetsikkut toqqaannartumik malinnaasinnaatillutit periarfissippaatit.

Nalliuttorsiuutigalugu ataatsimeeqatigiinnerit internetsikkut ulluni ukunani
toqqaannartinneqassapput: ataasinngorneq 11. Juni kalaallit nalunaaqutaat
malillugu nal. 05.00 - 07.00 aamma 09.00 - 10.30. Linkia Issittumi Siunnersuisoqatigiit nittartagaani nassaarisinnaavat: www.arctic-council.org/whatsnew.asp

Tusarnaarniaruit RealPlayer software pisariaqartissavatit, aammalu modemikkut attaveqaat minnerpaamik 28k-mik internetsimut attavilik, lydkorti qarasaasiarnilu højtaleri. RealPlayer piginngikkukku software-tai downloadersinnaavatit Issittumi Siunnersuisoqatigiit nittartagaani qulaani allassimasumi, imaluunniit una toorlugu.

AALLARTITAT AQQUTISSIUUSSINERAT

(Kalaallit Nunaannit aallartitaq)
Sooq Issittumi Naalagaaffiit maleruaqqussaannit aqunneqassuugut, naak illersornissamut tunngasut Issittumi Siunnersuisoqatigiit suliassaannut ilaatikkusunnagit.

(Canadamit aallartitaq)
Sakkutooqarfeqarnerup kingunerisaannik sinnikut eqqagassat qanoq pissappat? Massakkut paasivara Issittumi Naalakkersuisut tamakku pillugit paasissutissinnianngitsut.

(Ruslandimit aallartitaq)
Russit oqariaaseraat "kigaatsumik tuaviorpoq". Soorlu tassa Issittumi Siunnersuisoqatigiit. Kisianni oqarfigilassi: "Kigaatsumik tuaviorpata" Ruslandini nunap inoqqaarpassui tammaralissapput.

(Alaskamit aallartitaq)
Annilaanngatigaakka Qitiusumik Naalakkersuisuvut Issittumut naleqqiullugu Sikuiuitsumut Kujallermut aningaasaliinerusarput. Siunissami suli annermik peqataatissavavut.