English
Dansk
Kalaallisut

E-mail iccgreenland@remove-this.inuit.org
Phone +299 323632 

2012-2014: Innuttaasut peqataatinneqarnerat pillugu ICC WWF-illu suleqatigiineq

Inuit Issittormiut Siunnersuisoqatigiiffiat (ICC), aamma Verdensnaturfonden (WWF Danmark) ukiut pingasut matuma siorna suleqatigiilerput Villum-illu aningaasaateqarfianit aningaasalerneqarlutik Kalaallit Nunaanni aatsitassarsionermik suliniutit innuttaasullu peqataatinneqarnerat pillugu suliniummik ataatsimoorussaqalerput. Suliniut ukiuni marlunni ingerlavoq september 2012-miit september 2014-imut.

Suliniummi siunertarineqarpoq Kalaallit Nunaanni aatsitassarsiorneq pillugu oqallinnerup innuttaasullu peqataatinneqarnerisa siuarsarnissaat. Nalunaarusiat arlariit, aatsitassarsiornermi suliffissuaqarnikkullu ineriartornermi pissutsinik qaammarsaasussat, tulleriiaarlugit suliarineqassapput, tunngaviusumik qulequtaralugu "Kalaallit Nunaanni aatsitassarsiorneq".