English
Dansk
Kalaallisut

E-mail iccgreenland@remove-this.inuit.org
Phone +299 323632 

Silap pissusaata allanngornera pillugu Skotlandimukarneq

ICC Scotlandimut angalavoq

Nunatsinni Inuit Issittormiut Siunnersuisoqatigiiffiata siulittaasua Aqqaluk Lynge ulluni makkunani Skotland-imi angalavoq. Qaaqqusisut tassaapput Royal Scottish Geographical Society, Edinburgh-imiittoq. Aqqaluk Lynge ICC pillugu aammalu klimap allanngornerata naggueqatigiit inuusaasiannut kingunerisai pillugit atastimiititsinern arlariinni saqqummiussissaaq ilaatigut Edinburgh University-mi oqalugiassalluni..

Ministeri naapissavaa

Edinburg-imiinnermini Aqqaluk Lyngep Scotlandip silap pissusaata allanngoriartorneranut ministerip Stewart Stevenson aamma qaaqqusimavaa, taassuma issittumi pissutsit naggueqatigiillu Inuit pillugit aammalu Issittumi Siunnersuooqatigiit sulinerat pillugu paasisaqarusussimammat.

Skotlandimi naalakkersuisut qanittukkut aalajangiuppaat gasimik silaannatsinnik kissatsitsisinnaasumik silaannarmut aniatitsineq ukioq 2020 nallertinnagu 42 %-imik apparneqassasoq. Taamaalilluni Skotland nunarsuarmi klimap allanngoriartornera akiorniarlugu anguniakkamigut sallerpaanngorsimavoq.

Nunalerineq inuiaqatigiilerinerlu

Royal Scottish Geographical Society tassaavoq suliniaqatigiiffik nunalerineq pillugu nunarsuaq tamakkerlugu paasissutissiinermik suliniutilik aammalu ilinniartitaanermi nunalerineq inuiaqatigiilerinerlu ataqatigiinnissaannut suliniutilik.