English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Obamap nunap inoqqaavi naapilerpai

USA-mi nunap inoqqaavi naggueqatigiikkaat assigiinngitsut 564-iusut præsident Obamap novembarip tallimaani ataatsimeeqatigiumavai.

Præsidentip ataatsimeersuariaqqusilluni The White House-imut qaaqqusivoq naggueqatigiikkaallu sinniisumik ataatsimik tamarmik aallartitaqarsinnaasut nalunaarpoq. Ataatsimiinneq taama ittoq oqaluttuarisaanermi siullerpaajussaaq.

Nalunaarummik akuersinissaq neriuutigaarput

Inuit Issittormiut Siunnersuisoqatigiiffiata neriuutigaa ataatsimiinnerup USA-p nunat inoqqaavi pisinnaatitaaffiisa naalagaaffiit peqatigiit nalunaarutaanik akuersinissaanik kinguneqassasoq. USA nunat marluk allat peqatigalugit nalunaarummik akuersinikuunngillat.

Amerikamiut præsident-erisimasaanni Obama nunap inoqqaavinut maannamut soqutiginninnerpaasimavoq. Nunap inoqqaavisa sinniisaannik naapitsiumanera tamatuminnga ersersitsivoq.

Nittartakkakkut malinnaagit

Ataatsimeersuarneq nunanit tamanit nittartakkakkut www.mytribetv.com -ikkut malinnaaffigineqarsinnaassaaq.