English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Hingitaq 53

FN-IP INUIT PISINNAATITAAFFII PILLUGIT ATAATSIMIITTALIARSUATA ARFINEQ AAPPASSAANNIK 2002-MI NUNAT INOQQAAVISA PISINNAATITAAFFII PILLUGIT SULEQATIGIISSITAATA ATAATSIMIINNERANI NUNAT INOQQAAVISA AALAJANGERSAGAAT

Imaammat, Inughuit 1953-mi Pituffimmiit Avanersuarmiittumit piniariartarfitoqqaminniit nunatoqqaminniillu amerkamiut sakkutooqarfissaat mittarfissuassaallu pilersinneqarniassammat pinngitsaalisaallutik nuutsitaasimammata, piniariartarfiilumi annertuumik navialisinneqarsimammata; aammalu

Imaammat, Inughuit pinngitsaalisaallutik nuutsitaanerat kalaallit juunip tallimaat 1953 Danmarkimi innuttaalernerat ullualunnguanik sioqqullugu pisimammat; aammalu

Imaammat, Inughuit ukiuni 50-inngulersuni timikkut tarnikkullu, aningaasarsiornikkut politikkikkullu kanngutsaattuliorfigineqarnermikkut misillertitaasimammata; aammalu

Imaammat, Inughuit peqatigiiffittaarsimammata Hingitaq 53-mik taaguuserlugu danskit Naalagaaffiat pisinnaatitaaffimminnik unioqqutitsisutut unnerluullugu, taarsiivigineqaqqullutillu eqqartuusivimmut tunniussimallugu; aammalu

Imaammat, Oestre Landsret aalajangiisimammat danskit Naalakkersuisui eqqunngitsuliorsimasutut pisuutillugit annikikkaluamillu taarsiissuteqarsimammata nassuerutigisimalluguttaaq Inughuit nunagisaat innuttaasunit inatsisinik unioqqutitsisumik arsaarinnissutigineqarsimasoq; aammalu

Imaammat, ajoraluartumik Oestre Landsretip Inughuit siulimik nunagisaannut piniariartarfimminnullu uteqqisinnaanerat akueriumasimanngimmagu; aammalu

Imammat, Inughuit piffissami maani Hoejestereti aqqutigalugu piumasaqaatigimmassuk danskit Naalakkersuisui eqqartuusivikkut peqquneqassasut Inughuit qangaaniilli nunagisaat piginnittussaviinut uterteqqullugu taarsiititsinerlu sullunartoq kingumut isumaliutigeqqeqqullugu; aammalu

Imaammat, ilisimagatsigu suliassaq manna pillugu Inughuit saaffiginnissimasut Nunarsuarmi Sulisoqarneq pillugu Kattuffissuarmut ILO-mut aamma FN-ip Inuit Pisinnaatitaaffii pillugit Ataatsimiititaliaanut kiisalu paasigatsigu FN-ip Ammip Qalipaataa Tunngavigalugu Assigiinngisitsisarneq Akiorniarlugu Ataatsimiititaliarsuata manna suliaq soqutigilersimagaa.

TAAMAATTUMIK AALAJANGIUNNEQARPOQ, uagut nunat inoqqaavi maani FN-ip Inuit Pisinnaatitaaffii pillugit Ataatsimiititaliarsuup arfineq aappassaannik 2002-mi Nunat Inoqqaavisa Pisinnaatitaaffii pillugit Suleqatigiissitaata januarip 28-anniit februarip arfineq pingajuannut ataatsimiitoqarnerani najuuttugut, Inughuit, Avanersuarmi, Kalaallit Nunaaniittut Hingitaq 53-ilu eqqartuussisoqarnikkut ilungersuuteqarneranni siulimillu nunaata utertinneqarnissaa pillugu sulissuteqarneranni aammalu Inughuit inatsisinik unioqqutitsisumik pinngitsaalisaallutik nuutsitaasimanerat allamilu najugaqartitaalernerisa kingunerisaanik kingunipilutsitsisarsimanerit taarsiivigineqassasut ataatsimik nipeqarluta tapersersorpagut.

Nunat inoqqaavi katersuussimasut sinnerlugit

Geneve, 6. februar 2002

Mattias Ahren                                       Tarcila Rivera

Siulittaasooqataasoq                              Siulittaasoqataasoq