English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

ICC Alaskami nunat inoqqaavisa ataatsimeersuarneranni TOQQAANNARTOQ

2009

Alaska Federation of Natives, AFN, tassa Alaskami Nunap Immikkoortuini Nunat Inoqqaavisa Ingerlatseqatigiiffiisa Kattuffiat, ulluni makkunani Anchorage-mi ataatsimeersuarpoq.

Ataatsimeersuarnermi ICC tamakkerlugu siulittaasuusoq, Jimmy Stotts, aammalu nunatsinni ICC-mi siulittaasuusoq, Aqqaluk Lynge, ullumikkut, sisamanngorneq oktobarip 22-ani, oqalugiassapput. Nunatsinniik aamma ICC-mi sulisoq Lene Kielsen Holm peqataavoq.

Nittartakkakkut malinnaagit

AFN-ip ataatsimeersuarnera nittartakkakkut http://www.livestream.com/afn2009 malinnaaffigineqarsinnaavoq. Taamaalilluni Aqqaluk Lynge-p nunatsinni nal. 17:15 missaani oqalugiarnera aamma tusarnaarneqarsinnaalluni.

ICC nunatsinni pingaarutaa

Oqalugiaatimini nunatsinni ICC-p siulittaasua Aqqaluk Lynge ICC-p pingaarutaa eqqartussavaa. Kalaallit Nunaatta namminersulernerata kingorna ICC-p inissisimanera eqqartussavaa aammalu aappaagu ICC-p Nuummi ataatsimeersuarnissaa Alaskamiunut nalunaarutigissallugu.

Nunatsinni ICC-p siulittaasuata oqalugiaataa ICC-p nittartagaani atuarneqarsinnaalissaaq.

Links:

Alaska Federation of Natives: http://www.nativefederation.org/index.php