English
Dansk
Kalaallisut

E-mail iccgreenland@remove-this.inuit.org
Phone +299 323632 

ICC AFN-imi: Avatangiisit piniarnerlu illersortigit

ICC AFN-imi: Avatangiisit piniarnermullu pisinnaartitaaffivut illersortigit

Alaska Federation of Natives, AFN, tassa Alaskami Nunap Immikkoortuini Nunat Inoqqaavisa Ingerlatseqatigiiffiisa Kattuffiat, ulluni makkunani Anchorage-mi ataatsimeersuarpoq.

Ataatsimeersuarnermi ICC tamakkerlugu siulittaasuusoq, Jimmy Stotts, aammalu nunatsinni ICC-mi siulittaasuusoq, Aqqaluk Lynge oqalugiarput. Nunatsinniik aamma ICC-mi sulisoq Lene Kielsen Holm peqataavoq. Ataatsimeersuarnermi ICC-p aallartitai AFN-ip siulittaasua Julie Kitka naapippaat.

ICC-p avatangiisit illersorniarpai

Oqalugiaatimini nunatsinni ICC-p siulittaasua Aqqaluk Lynge Kalaallit Nunaatta namminersulernerata kingorna ICC-p inissisimanera pingaaruteqaqisutut oqaatigaa. Minnerunngitsumik ukiuni makkunani nunatta aningaarsarsiornikkut ineriartortinnerani avatangiisinik illersuisutut ICC-p inissisimanera pingaaruteqartutut oqaatigaa

Aappaagu ICC-p Nuummi ataatsimeersuarnissaa Alaskamiunut nalunaarutigissallugu.

Nunatsinni ICC-p siulittaasuata oqalugiaataa ICC-p nittartagaani atuarneqarsinnaassaaq

Tamatta pinerluttuuvugut”

Jimmy Stotts oqalugiaatimini Alaskami nunap inoqqaavi piniarneq ileqqorisallu allat atatinnissaanut kaammattuivoq. Alaskami inatsisinik unioqqutsitsilluni aatsaat piniagassat ilaat piniarneqarsinnaasarput, taamaammat pinerluttutut inississagaluarpata ileqqorisat kinguaanut ingerlateqqinneqarnissaat kissaatigaa.

Nittartakkakkut malinnaagit

AFN-ip ataatsimeersuarnera nittartakkakkut http://www.livestream.com/afn2009 malinnaaffigineqarsinnaavoq. Alaska Federation of Natives ukiut tamaasa ataatsimeersuartarut Alaskamilu nunat inoqqaavisa suliniaqatigiiffiisa annersaraat nunaqarfiit 178-it ilaasortaralugit.