cooksite.info

Datoer for borgermøder i efteråret 2012

ICC Grønland vil besøge fire steder i efteråret 2012 under rækken af borgermøder. Se steder, datoer, adresse og tid for hvert sted her:

ICC INNUTTAASUNIK ATAATSIMIITITSINERIT 2012

"Suliffissuaqarnikkut ineriartortitsineq nunallu inoqqaavisa pisinnaatitaaffii"

2012-mi oktoberip naajartulernerani novemberillu allartinnerani Inuit Issittormiut Siunnersuisoqatigiiffiat (ICC) sinnerlugu nunatta sineriaata ilaanut innuttaasunik nunatsinn angalasoqarpoq. Ataatsimiinnerni qulequtarineqarpoq; "Suliffissuaqarnikkut ineriartortitsineq inuillu pisinnaatitaaffii", matumani inuttut pisinnaatitaaffiit eqqartorneqarnerini nunap inoqqaavisa pisinnaatitaaffii pineqartarput, siunissamilu qulequtaq tassaalissaaq: "Suliffissuaqarnikkut ineriartortitsineq nunallu inoqqaavisa pisinnaatitaaffii". Illoqarfiit tikitat tassaapput Nuuk, Aasiaat, Upernavik Maniitsorlu. Illoqarfiit taakkorpiaat ullumikkut nunatsinni aatsitassarsiornermi uuliasiornermilu suliffissuaqarnikkut ineriartortitsinissamut pilersaarutini qitiulluinnarlutik inissisimapput.

Illoqarfinni pineqartuni innuttaasunik ataatsimeeqateqartarnerni ICC-p aaqqissugaanerata suliaasalu paasissutissiissutigineqarnerisa saniatigut, nunatsinni suliffissuaqarnikkut ineriartortitsinissap innuttaasunit toqqaannartumik isumalimmillu malinnaaffigineqarnissaata peqataaffigineqarnerunissaatalu siuarsarnissaat ataatsimiititsisarnerni qiutiutinneqarput. Tamatumani ilaapput inuit minnerunngitsumillu nunat inoqqaavisa pisinnaatitaaffiisa atuutinneqarnissaat qaanngiinnarneqannginnissaallu. Tassani qitiulluinnartoq tassaavoq "kiffaanngissuseqartumik sioqqutsisumik aamma paasinnittumik tunngaveqarluni pilersaarutinut annertuunut taamaattunut akuersisinnaatitaanermik imaluunniit naaggaarsinnaatitaanermik pisinnaatitaaffiit".

Ataatsimiititsisarnerni erseqqissartuagaq tassaavoq ICC suliffissuaqarnikkut taamaattunik ineriartortitsinissamut akerliunngimmat pingaartitalli tassaallutik; avatangiisit innarlerneqarsinnaaneri minnerpaaffimmiitinneqassasut, innuttaasut qanimut isumalimmillu peqataatinneqassasut tamatumanilu inuit minnerunngitsumillu nunap inoqqaavisa pisinnaatitaaffii ataqqineqartariaqartut.

Suliaq World Wildlife Fund (WWF) suleqatigalugu ingerlanneqarpoq Villum Velux-ip Oak Foundationillu Aningaasaateqarfiinit tapersersorneqarluni.

Angalanermi peqataasut tassaapput: Hjalmar Dahl, ICC Kalaallit Nunaanni siulittaasup tullia, Bjarne Lyberth, ICC-mi siunnersorti kiisalu Anda Hansen, Assiliisoq.

2013-imi upernaakkut Qaqortoq, Narsaq Ittoqqortoormiillu angallavigineqarnissaat aamma pilersaarutaavoq.

Saqqummiineq

Maani nassaarisinnaavat 2012-imi ukiakkut innuttaasunik ataatsimiisitsinerni powerpoint atorlugu saqqummiussaq (kalaallisut qallunaatullu)

  • PDF-itut <media 447 - - "TEXT, ICC Borgermoeder - Innuttaasunut ataatsimiisitsinerit - ppt 2012, ICC_Borgermoeder_-_Innuttaasunut_ataatsimiisitsinerit_-_ppt_2012.pdf, 1.5 MB">aajuk</media> (1.5 MB)