English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Ilisarititsineq siunertarlu

Ilisarititsineq

2009-mi upernaagaa Inuit Issittormiut Siunnersuisoqatigiiffiata (ICC) Dansk Institut for Menneskerettighederillu (IMR) akornanni nuttut pisinnaatitaaffiit Nunallu inoq-qaavisa pisinaatitaaffii Nunatsinni inissisimanissaat pillugit oqaloqatigiinnerit aallartissimapput. Tamatumunnga aallaaviusoq tassaasimavoq ICC, Aqqaluk Lynge siuttoralugu saqqummiussisimammat Issittumi Inuttut pisinnaatitaaffiit pillugit, taakkununngalu ilaliullugu Nunap inoqqaavisa pisinnaatitaaffii pillugit ilisima-tusar-sinnaanissamik qitiusumik sammisaqartitsivissamik pilersitsinissaq. Siulersuisunik pilersitsisoqarsimavoq pilersaarutaavorlu juunimi 2010-mi pilersitsinissap piviusunngornissaa.

Oqaloqatigiinnerni siunertaavoq pisortat Inuttut pisinnaatitaaffiit pillugit atuut-sitsinerannik nakkutilliisinnaanermik periarfissanik ujartuineq aammalu 2007-imi Nunat inoqqaavisa pisinnaatitaaffiisa FN-imi akuerineqarnerisa kingunerisaanik nu-natsinnut kingunerisassaasa qimerloorneqarnissaat. Ilanngullugu erseqqissaatigine-qarpoq Inatsisartut Inuttut pisinnaatitaaffiit pillugit qitiusumik ingerlatsiveqale-rnissamik siunnersuummik akuersisimammata, tamatumali pisortatigut suliarineqar-nera suli inerniliivigineqarsimanngilaq.

Dansk Institut for Menneskerettighederip, Inuttut pisinnaatitaaffiit pillugit Nakku-til-liisoqarfiit allat assigalugit (Parisimi aalajangersakkat malillugit) pisussaaffigaa Ka-laallit Nunaat ilanngullugu nakkutilliivigissallugu pisinnaatitaaffinnillu qaammarsaa-vigissalluguttaaq.1 Namminersulersimaneq tamatumunnga atorunnaarsitsinngilaq, taamaattorli pisariaqarsorinarpoq suliassap pitsaasumik nunatsinnilu angerlarsi-maffilimmik qanoq aaqqiivigineqarsinnaanera.

Danmarkimi inuit pisinnaatitaaffii pillugit ilisimasaqarfik tassaavoq naalagaaffiup su-lisoqarfia suliamigut nammineq ingerlasoq, pingaartutut suliassaralugit demokratiip qularnaatsuunissaa aamma naalagaaffiup innuttaasunut akisussaassusilimmik pissuseqarnissaa.

Iluatinnaataasa ilagivaat inatsisiliornermi tusarniaavigineqarsinnaagami siunner-sortaasinnaallunilu inuit pisinnaatitaaffiisa (tassunga nunat inoqqaavisa pisinnaati-taaffii ilaallutik) eqqortumik tunaartaralugit suliat ingerlanneqarnissaannut, nunar-suarmioqatigiit isumaqatigiissutaat malillugit. Inuit pisinnaatitaaffii pillugit ilisima-tusarfiup suliaasa ilagisinnaalluarpaat ilinniartitsitsinermik suliaqarsinnaaneq aam-malu ilisimatusarnikkut nalilersuinikkullu suliaqarsinnaaneq.2

Siunertaq

Isumasioqatigiissitsinissami siunertaavoq inuit pisinnaatitaaffiisa nunallu inoqqaavisa pisinnaatitaaffii qitiutillugit samminissaat tamakkulu nunatsinni tamat oqartussaaqataanerannut innuttaasullu peqataanerannut iluaqutaasinnaanerat ujartorneqassalluni.

1 IMR-imut aningaasaliissutit suliassaanut naapertuutinngitsumik annertusssuseqarput, Danmarkiinnarmiluunniit suliassaminnik taamaallaat ingerlatsigaluarunik.

2 Det danske Institut for Menneskerettighederip Tuluit Nunaanni pissuseqatimisut sulisut assigalugit immikkoortitsinertaqanngitsumik pissuseqarnissamik misissuinernik pisinnaatitaavoq.