English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Inuttut pisinnaatitaaffiit nunallu inoqqaavisa pisinnaatitaaffii pillugit isumasioqatigiinneq

Inuit Issittormiut Siunnersuisoqatigiiffiat Dansk Insitut for Menneskerettigheder peqatigalugu inuttut pisinnatitaaffiit kiisalu nunat inoqqaavisa pisinnnatitaaffii pillugit isumasioqatigiititsissaaq Nuummi novembarip 23-ani 24-anilu. Isumasioqatigiinneq Ilimmarfimmi pissaaq.

Isumasioqatigiissitsinissaq novembarip 23-ani, nal. 1500-1730 aamma 24-ani, nal. 900- 1630, pissaaq Ilimmarfimmi

Pisussami qulequtassaq tassaassaaq:

Kalaallit Nunaanni Inuttut pisinnaatitaaffiit Nunallu inoqqaavisa pisinnaatitaaffii

Isumasioqatigiissitsinissami siunertaavoq inuttut pisinnaatitaaffiit nunallu inoqqaavisa pisin-naatitaaffiisa nunatsinnit sukumiisumik sammineqarnissaat. Nunatsinni inuttut pisinnaatitaaffiit aammalu nunap inoqqaavisa pisinnaatitaaffiisa suussusersineqarnissaat sammineqassapput, nunarsuarmioqatigiillu isumaqatigiissutaat assigiinngitsut sunik nunatta pisortatigoortumik ingerlanneqarneranut pisussaaffiliinersut tikinneqassallutik.

Isumasioqatigiissitsinermi oqaatsit atorneqartussat tassaapput: kalaallisut, danskisut tuluttullu. Saqqummiisussat tassaassapput Dansk Institut for Menneskerettigheder-mi pisortaq Jonas Christoffersen, ICC-p nunatsinni siulittaasua Aqqaluk Lynge, ambassadøri Tyge Lehmann, Dr. Dalee S. Dorough Alaskamiit aammalu Claire Charters New Zealand Centre for Public Law-meersoq.

Naalakkersuisut siulittaasuat Kuupik Kleist isumasioqatigiinnermik aammaassaaq.

Najoqqutarisassaq <media 237>uani</media> atuaruk (pdf).

Paasisaqarniaruit Sara Olsvig attavigiuk, sara@remove-this.inuit.org