English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Aningaasarsiorneq pillugu nalunaarut

Aboriginalit, Torres Strait Island Commission-ip, Asian Indigeneous and Tribal Peoples Network, Inuit Issittormiut Kattuffiata, Tebbtena Foundation-ip Saami Councilillu nalunaarutaat

Nunat inoqqaavisa atugaat pillugit isummersuisoqatigiiffiup (Permanent Forum-ip) aappassaani ataatsimiinnera

New York Maajip 13-aniit 24-anut, 2003

Sammisaq 4 (a) -Aningaasarsiornikkut inooqatigiinnermilu ineriartorneq

Siulittaasumut qujavunga

Una nalunaarut Aboriginalit, Torres Strait Island Commission-ip, Asian Indigeneous and Tribal Peoples Network-ip, Inuit Issittormiut Kattuffiata, Tebbtena Foundation-ip Saami Council-illu suleqatigiillutik suliarivaat.

Erseqqissarparput nunat inoqqaavisa Genetic ressources, kulturertik atorlugu saqqummeeriaasii qangaaniillu ilisimasaat ataqqineqarlutillu akuerisariaqarnerat inuttut, inuiaqatigiittut avatangiisitigullu toqqisinartumik ineriartornissaannut tunngaviulluinnarmat. Taamaattumik Permanent Forum-imut innersuussutigaarput:

Maluginiarlugu WIPO-p naalakkersuisut akornanni Eqqarsartaatsikkut piginnittuussaanermut Genetic Ressourcenut qangaaniilli ilisimasanut Folklorenullu ataatsimiititaliaanut siunissami pisinnaatitaaffii julimi 2003-mi ataatsimiinnermi isummerfigineqassasut, tamanna tunngavigalugu kissaatigaat ataatsimiititaliap anguniassagaa; iliuutsinik malittarisassanik sakkunillu ineriariartortitsiuarneq taamaaliornikkummi Eqqarsartaatsikkut piginnittuussaanermut Genetic Ressourcenut qangaaniilli ilisimasanut illersuineq tulluuttoq tikinniarneqarsinnaammat, tamannalu pissalluni nunani ataasiakkaani nunanilu tamani.

WIPO-p ataatsimiititaliaa qinnuigalugu sulianut tulluuttunut suliniaqatigiiffinnik Naalagaaffiit Peqatigiit ataaniittunut suleqateqartuaqqullugu, soorlu Uummassuseqangaassutsimut Conventionimut allattoqarfik (CBD), Naalagaaffiit Peqatigiit Avatangiisinut Programmiat (UNEP), Inuit pisinnaatitaaffiannut Kommisæreqarfik (OHCHR), nerisassanut nunalerinermullu suliniaqatigiiiffik (FAO) kiisalu Naalagaaffiit Peqatigiit ilinniartitaanermut, ilisimatusarnermut kulturimullu suliniaqatigiiffiat (UNESCO);Tikilluaqquaat qiimmassarlugillu nunat inoqqaavisa WIPOp ataatsimiititaliaani taassumallu saniatigut suliniaqatigiiffiinut aallartitaat, qinnuigalugillu annertunerusumik suliniaqqullugit soorlu WIPO-mi killiffinnik nalunaarusiai, pisunik misissuineri, sumiiffinni assigiingitsuni pisunut paasissutissanik saqqummiussai, siumut takorluukkat, WIPO-mi peqataasinnaanermut aningaasaliisinnaanermut periarfissanik misissuisarnissaannik.

aammaErseqqissarlugu WIPO-mi ataatsimiititaliamut misilittakkanik teknikkikkullu iliuusissanik tapersersuerusunneq soorlu aamma WIPO-mi naalagaaffiit ilaasortaatitaqartut nunat inoqqaavisa aallartitaanik akiliunneqarlutik WIPO-p ataatsimiititaliaani peqataasunik toqqaanissaanik siunnersuisutut inissisimaneq neqeroorutigineqartoq.

Siulittaasoq,

Ilanngupparput Piujuartitsinissaq pillugu nalunaarut atuutilertitsinissamillu iliuusissanik innersuussutit Nunarsuarmioqatigiit naapinnerani aalajangersakkat taakku nunat inoqqaavinut tunngasortai., soorlu Kimberly-mi Nalunaarut Nunat Inoqqaavisa isumaqatigiissutigisaat nunarsuarmioqatigiit naapinneranni ilanngukkipput.

Ilanngupparputtaaq Ukiut tusintillit nikinneranni nunat inoqqaavinik siuarsaaniarnermut aalajangersakkat erseqqissarlugulu Ukiut tusintillit nikinneranni nunat inoqqaavinik siuarsaaniarnermut iliuusissat nunat inoqqaavisa atugaannut tulluuttuunissaa.

Tamassuma kingunerisaanik Permanent Forum-imut innersuussutigaarput:

Naalagaaffiit Peqatigiinni suliniaqatigiiffiit tulluuttut, soorlu Uumassuseqangaassutsimut Konventionip allattoqarfia, Nunarsuarmi Aningaaserivik, Naalagaaffiit Peqatigiit Ineriartornissamut Suliniuteqarfiat innersorpaat nunat inoqqaavisa isikkivianit Nunarsuarmi ataatsimeersuarnermit innersuussutaasut Kimberley-milu nalunaarutip innersuussutai soorlu aamma Ukiut tusintillit nikinneranni nunat inoqqaavinik siuarsaaniarnermut anguniagassat naammassinissaat anguniarlugu Permanent Forum tapersersussagaat.

Siulittaasoq

Allattoqarfimmut innersuussutit allaganngorlugit tunniutissavagut

qujanarujussuaq inussiarnisaarlutit tusarnaaravit

Aningaasarsiorneq pillugu nalunaarut