English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Upaluk Genevimut

Niviarsiaq FN-imi sungiusarialerpoq

Upaluk Poppel ukiuni arlalinni Inuit Youth International-imi Inuit Circumpolar Youth Council-milu suleqataasarsimasoq aprilimiit septemberip tungaanut Naalagaaffiit Peqatigiit Inuit Pisinnaatitaaffii pillugit Kommissioniata qullersaqarfiani Genevemi sungiusartussanngorpoq.

Upaluk Poppel siorna Kalaallit Nunaanni qinnuteqaateqartut tallimaasut akornaniittooq Genevemiit piukkunneqarluni toqqarneqarpoq, taamaalillunilu qaammatini tallimani Inuit pisinnaatitaaffiinik paasisassarsiortinneqassalluni. Inuit pisinnaatitaaffii ingammillu nunat inoqqaavisa inuit pisinnaatitaaffiinut atuutsinneqarneri Upaluk Poppel-ip malinnaaffigisussaassavai. Naalagaaffiit Peqatigiit inuit pisinnaatitaaffiinut qitiusumik allaffeqarfia Genevemiittoq ukiut tamaasa nunat inoqqaavinut paasisissutissanik ingerlatseqqinnissamut pikkorissarnissamullu periarfissiisarpoq.