English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Siulersuisut Ottawa-mi

Kuujjuarmi Nalunaarut tigussaasunngorlugu

Inuit Issittormiut Kattuffiata, Kuujjuarmi, Nunavimmi augustusip qulinganiit 16-anut ataatsimeersuarnermini nalunaaruta, Kuujjuarmi Nalunaarut, ICC-iip Siulersuisuunerisa Ottawami januarip 18-aniit 22-anut ataatsimiissutigaat 

Kuujjuarmi Nalunaarut, ICC-iip ukiuni sisamani tulliuttuni anguniagassai Ottawami ataatsimiissutigineqarput.

-ICC-iip immikoortoqarfiini pisinnaasat qaffassartariaqarpagut, taamaaalillutami aamma anguniakkat suliarineqarneri qulakkiissavagut, Sheila Watt-Cloutier Ottawami ataatsimiinnermi ammaanermini ilaatigut oqarpoq.

Ataatsimiinnermi Ottawami pisumi siulersuisuunernit Chukotkamiit, Alaskamiit, Canadamiit Kalaallillu Nunaanniit peqataaffigineqartumi suliassatut pingaarnertut inissisimavoq aasaq manna Nalunaarusiap sulinikkut erseqqissarneqarnissaa taamaalillunilu anguniakkanik tigussaasunngortitsiniarnissap aqqutissiuunnissaa.

Kuujjuarmi Nalunaarut 25-nik immikkoortortaqartoq, naatsumik oqaatigissagaanni tassaavoq naggueqatigiit Inuit inuunermikkut atugarisaannik pitsanngorsaanissamut aqqutissiuisussaq.

Kalaallit Danmarkiittut kalaaliminertugassaat

ICC nunani tamani inuit pisinnaatitaaffiinik illersuisutut inissisimasoq tusaamasaasorlu, suligasuartartunik, Task Force on Trade-mik tuluttut taaguutilimmik suliniaqatigiiffeqarpoq, taassumallu anguniagassai sammineqalermata saqqummiussat ilagaat Kalaallit Danmarkimi najugaqartut neqissaqarniarnermikkut aaqqiiviginiarneqarnissaat. Suliniaqatigiiffiup siunertaraa naggueqatigiit Inuit niuernikkut aqqutissiornissaat.

Suliat ataasiakkaat saqqummiussorneqarput iliuusissallu, soorlu aningaasalersuinissat, sulisunik politikkikkullu ataqatigiissaarisussanik toqqaanerit ingerlanneqarlutik.