English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

"Suliaq aallartitaa uumajuassooq" - Ingmar Egede-imut eqqaaniut

Sivisuumik nappaassuarmut kræftimut akiuutereerluni Ingmar Egede arfininngormat augustip 9-ani toquvoq. Ingmar Egede Ilinniarfissuarmi rektoriusimavoq toqunissilu tikillugu Nunap Inoqqaavisa Pikkorissartarfianni aallarniisuullunilu pisortaavoq.

Ingmar Egedep ataatagivaa Peter Egede, nuummi Egde-kkut ilaqutariit tusaamasat ilaat arnaalu Qeqertarsuarmi "naasorsioorsuup"  Porsildip panianik, ulluinnarni Tuulamik taaneqartartumik anaanaqarluni.
Meeraallunili Danmarkimut atuariartortitaavoq taamaattumillu Ingmar qallunaat kaallillu kulturiata "akuleriiffianiilluni". Ingmar ilinniartitsisunngorpoq kingornalu Lærehøjskolimi perorsaanermut tarnillu pissusaannik ilisimatusarluni ilinniakkanilu naammasssillugu cand.pæd.psyk-nngorluni.

Atuarfinni ilinniarfinnilu pisortaasimanerminit soqutigisaraa inuusuttut ilinniartitaanerat. Sorutigisani aallutiinnarpaI - kingornalu  nunarsuarmioqatitsinnut atatinnerulerlugu. ICC-mi siulersuisuni ilaasortaavoq 1989-95-imut ukiut kingulliit pingasut vicepræsidentitut. ICC-minnermini naggueqatigiit inuit akoirnanni ilinniartitaanermi suleqatigiinneq peqataaffigilluarpaa issttorlu tamakkerlugu suleqatigiinneq akuufigalugu.

Ingmar aamma naalakkersuinermi akuulluartuuvoq halvfjersikkullu qeqqani Siumup partiinngornissaani suleqataalluni taamaattumik nunatta namminiilernissaa suleqataaffigisimallugu.

Ingmari inuunini tamaat ilungersortuuvoq angujumasanilu angusarlugit.
Paasigamiuk nunap inoqqaavisa akornanni nunarsuarmi suleqatigiinnermi peqataasussat  ilinniarnikkut nukittorsartariaqartut pilersippaa Nunap Inoqqaavisa Piikkorissartarfiat ,  Nunap inoqqaavi ikinngillat
Nunatsinnut pikkorissariartarsimasut, sulinerminnilu iluaqutissinneqartarsimasut nunap inoqqaavisa pisinnaatitaaffii pillugit ilungersuuteqarnermi.  ITCp,  togunissi tikillugu ilungersuutigivaa.
Ingmarip qaammatip ataatsip matuma siorna ICC-p ITCIP-llu siunissami suleqatigiinnissaat pillugu naapisippaatigut.

Aqqaluk Lynge  Inuit Issittormiut Kattuffiat, ICC sinnerlugu Ingmar Egedemut eqqaaniaalluni  oqarpoq::

"Inuit naaapitakka ikittuinnaapput  suliamik ingerlaterqinneqarnisssaat pillugu toqunnginnerminni peqqisssartumik piareersarsinnaasut"

Ingmar Egede ulloq toquffigaa augustip qulingiluaat - nunarsuarmi FN-up nunap inoqqaavinut ullugititaasup ulluani. Ullorlu taanna malunnartiniarlugu ICC aamma Inuit Youth International Nuummi nuannersumik naapeqatigiisitsipput.

Ingmar Egedep inuunermini suliaa ingerlateqqinniarlugu piareersimavugut atia atorlugu ingerlateqqissalluta -  qutsaviginiarlugu inuk kalaallinut inuiaqatigiinnut, naggueqatigiinnut  - nunarsuarmioqatitsinnullu sullissilluarsimasoq.

Tamatsinnit ujariatsiginiqassaaq, qujavugullu qimataasullu misiginneqatigalugit.

Inuit Issittormiut Sinnerlugit

Aqqaluk Lynge