English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

ICC-iip siulersuisuuneri Iqalunni Canadami ataatsimiipput

ICC-iip siulersuisuuneri Chukotkamiit, Alaskamiit, Canadamiit Kalaallit Nunaaniillu aallartitaasut januarip 21-niit 22-nut Iqalunni ataatsimiipput. Ataatsimiinnermi sammineqarput inuuniarnermut, kulturikkut aningaasaqarnikkut avatangiisitugullu suliniutissaat

Aqqaluk Lynge, ICC-iip Kalaallit Nunaanni Præsidentia Kalaallit Nunaanni suliniutinik pingaartinneqartunik saqqummiussivoq ataatsimeeqataasuniillu tapersersorneqarluni. Saqqummiunneqartut tassaapput Oqaatsinut Attaveqaqatigiinnermullu Kommissionit ataatsimoortinneqalernissaat. Kiisalu Niuernermut ataatsimiititaliap suliaanik killiffiusunik saqqummiussineq. Tapersersorluarneqaportaaq Hingitaq '53-imut tunngatillugu ingerlaqqinnissaq.

-Nuannaarutigeqaara Ruslandimiit, Alaskamiit, Canadamiillu siulersuisuunernut ilaasortaatitanit Kalaallit Nunaanni suliniutitsinnut paasinnilluarnerat, Aqqaluk Lynge oqarpoq.

Oqaatsinut Attaveqaqatigiinnermullu ataatsimiititaliap ataatsimuulernissaat siunnersuutigineqarpoq akuerineqarlunilu. -Canadap issittuani oqaatsit pillugit suliniutit soqutigineqartupilussuupput, CBC-mi radiukkut apersorneqaqqammerluni Aqqaluk Lynge oqarpoq.

Oqaatsit pillugit kalaallisut inuktitullu ingerlanneqartumi CBC-mi apersorneqareerluni USA-p Canadallu raketsinik silaannarsuakkoortunik illersornissamut oqaloqatiginninnerannut Aqqaluk Lynge erseqqissaavoq issittumi sakkulersornissaq eqqartorneqaraangat isumaqatigiinniartoqaraangalluunniit Inuit avaqqunneqanngisaannassammata.

Apeqqutissaqarussi Aqqaluk Lynge-mut sinersinnaavusi +299 32 36 32