English
Dansk
Kalaallisut

E-mail iccgreenland@remove-this.inuit.org
Phone +299 323632 

ICC at CAFF meeting

Issittumi Naasut Uumasullu allanngutsaaliornissaat pillugu suleqatigiissitap (CAFF-ip) Aqutsisui (Issittumi Siunnersuisoqatigiit ataanni suleqatigiissitat arfiniliusut ilaat) Yellowknife, Canada-mi Sept. 10.-12. 2013 naapipput. Tamanna Canadap siulittaasuunerani aqutisut ataatsimiinnerisa siullersaraat. ICC aqutsisunut ilaalluni CAFF-illu suliaanut ukiuni kingullerni pingasungajanni akuusimavoq.

Ulluni pingasuni ataatsimiinnermi, suliniutit ingerlaartut sammineqarput soorlu Issittumi Uumassusillit Assigiinngisitaarnerisa Misissorneqarnerannit (Arctic Biodiversity Assessment) innersuussutit piviusunngortinniarneri, aamma Issittumi Uumassusillit Assigiinngisitaarnerisa Nakkutigineqarnerisa (Circumpolar Biodiversity Monitoring Program) killiffiat saqqummiunneqarluni. Suliniutit nutaat alaatsinaattunit soorlu WWF-imit Issittumi uumassuseqarfiit tunniussinnaasaasa nalilersorneqarneri pillugit suliniut saqqummiunneqarpoq.

ICC suliniutinut tamanut oqaaseqaatinik, sinnersuutinik ilisimasaminillu tunniussaqarpoq, qitiutilluinnarlugu Inuit soqutigisaat isiginnittariaasaallu. ICC aallaqqaataaniilli Issittumi Siunnersuisoqatigiit suliniutaanni erseqqissartuarsimavaa; suliniutit isumassarsiarineqarneriniit, misissueriaatsit inerisarnerinut innersuussuteqarnernullu ilisimasatoqqat atorneqartariaqarnerat.

CAFF tulliani ataatsimiissaaq Feb. 11.-14. Kuujjuaq, Nunavimmi.