English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Issittormiut nunat inoqqaavi Christiansborgimi naapeqatigiittut

Tusagassiorfinnut nalunaarut, København, novembarip 22-anni 2013

>>Pisinnaatitaaffivut pillugit sorsussuteqarneq immikkut suliassaavoq – allaavorlu piviusunngortinnissaat aamma pilersitsisunut atuutsinnissaat.<<

Saamit Siunnersuisoqatigiiffianni siulittaasoq Aile Javo, ippassaq Christiansborgimi nunat inoqqaavisa suleqatigiinnerat pillugu nalliuttorsiorlugu nataatsimeersuarnermi.

Nunat Avannarliit Siunnersuisoqatigiiffiata tapiissuteqarneratigut, Inuit Issittormiut Siunnersuisoqatigiiffiata Saamit Siunnersuisoqatigiiffiat suleqatigalugu ataatsimeersuarneq piviusunngortissinnaalerpaat. Kalaallit Nunaata Folketingimi ilaasortaa Sara Olsvig aaqqissuussinermut qaaqqusisuuvoq. 100-ut tungaanut ataatsimeersuarneq peqataaffigineqartoq, taakkununnga immikkut qaaqqusut 75-it ilaallutik ataatsimeersuarneq ingerlanneqarpoq 21.-22. november. Ataatsimeersuaqataasut ilagaat Ruslandimi Nunap Inoqqaavisa Issittumi Soqutigisaqaqatigiiffiannit RAIPON-mit sinniisut.

>>Inuit Saamillu suleqatigiinnerata ukiuni kingullerni 40-ni ingerlasimasup nalliussineqarnerata saniatigut suleqatigiinnerup ingerlateqqinnera Christiansborgimi pivoq soorlu 1973-mi soqutigisat aallartinneqartut pillugit taamaaliortoqartoq.<< ICC-mi siulittaasoq Aqqaluk Lynge taama oqarpoq.