English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

ICC Alta-mi WCIP-mut piareersaqatavoq

Alta, 10. juni 2013

Nunarsuarmi nunat inoqqaavisa sinniisaat, nunarsuup immikkortuinit arfineq marlunneersut 600-it missaannik amerlassusillit ullumi 10. Juni 2013 Norge-p Avannaani Saamit illoqarfiisa annersaani Alta-mi ataatsimeersuarlutik aallartipput.

Ataatsimeersuarnerup siunertaraa 2014-imi Naalagaaffiit Peqatigiit (FN) nunarsuarmi nunat inoqqaavisa atugaat pillugit ataatsimeersuartitsinnissaata (WCIP) piareersarnissaa.

Ataatsimeersuarneq ammarneqarmat kalaallit qulliat inuusuttut sinniisaannit Aili Limakka Laue-mit ikinneqarpoq, qilaatersortoqarluni, Nunavummit torlussortoqarluni Saamisullu meeqqat erinarsorlutik.

Ataatsimeersuarneq Issittumit, Amerika-p Avannaanit Kujallermit Qiterlermiillu, Afrikamit, Asiamit, Manerassuarmit Ruslandimiillu nunat inoqqaavisa sinniisaannit 600-it pallillugit amerlassuseqartunit peqataaffigineqartoq pingasunngorneq 12. Juni ilanngullugu ingerlanneqassaaq.

Nunatsinniit ICC sinnerlugu peqataasut tassaapput Aqqaluk Lynge, Siulittaasoq, Carl Chr. Olsen, ICC Kalaallit Nunaata siulittaasuat, Hjalmar Dahl, siulittaasup tullia, ICC-mi aallartitat siulittaasuat Nuka Kleemann aamma Inuusuttut sinnissaat Aili Liimakka Laue. Inatsisartut Nunanut Allanut Sillimanissamullu Ataatsimiititaliaani ilaasortat Per Berthelsen, Siulittaasoq, Kim Kielsen aamma Sara Olsvig aamma peqataapput, sulisoralugit Ole Heinrich aamma Ann Lene Jensen.

Paasissutissanik annertunerusunik pissarserusukkussi:

Hjalmar Dahl
Mobil: +299 556126

Alta-minngaanniit assit 2013 (photos: John Hopson Jr.)