English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Innuttaasut peqataatinneqarnissaannut isumasioqatigiisitsinissamut qaaqqusissut

ICC, Transparency International Greenland, WWF-ilu isumasioqatigiinnermik suleqatigiinneq, aatsitassarsiornermi ineriartornermut atatillugu innuttaasut peqataatinneqarnissaat, Marlunngorneq 27/8-2013 nal. 16.30-19.30 ICC-mi, Issortarfik 7B (Timersoqatigiiffiit Kattuffiat saniani)

Asasara peqataasussaq.

Allakkani 19. Juni 2013-sumiit Inuussutissarsiornermut, Aatsitassaqarnermut Sulisoqarnermullu Naalakkersuisoqarfik, soqutigisaqatigiit tamaasa innuttaasunik pitsaanerusumik peqataatitsisarneq, tamanut ammasunut tusarniaatitsisarneq pillugit oqaloqatigiinnissamut qaaqqusivoq.

Naalakkersuisoqarfimmik oqaloqatigiinnerulernissamik piareersimalluarnissaq anguniarlugu soqutigisaqatigiit allat peqatigalugit, isumasioqatigiinnissamut qaaqquatsigit.

Isumasioqatigiinnerup qulequtarissuaa Innuttaasut pitsaanerumik peqataatinneqarnissaat. Tusarniaatitsisarneq naammaginarpa? Qanorlu naalakkersuisunut, inuiaqatigiinnillumi nunatsinni, najoqqutassiuunneqarsinnaanersut. (guidelines)

Isumasioqatigiinnerup siunertaraa qulequtaq naapertorlugu ataatsimut oqariartuuteqarnissaq, ataatsimut isummersornissaq.

Workshop-ip ilusissaa,ingerlanissaa: Program-i suli piariinngilaq pilersaarusiorneqarlunili, naammassippallu nassiunneqarumaarluni. Siullermik immikkut ilisimasalik, kiisalu innuttaasoq eqeersimaartoq qulequtaq aalajangersimasoq najoqqutaralugu oqalungiartinneqassapput. Nammineq misilittakkagut, nunani allani innuttaasut peqataatinneqarnerinik misilittakkat, isumaqatigiissutit innersuussutillu ilaatigut tikinneqassapput.

Eqimattani sulisoqarnissaa aamma naattorsuutigivarput, oqallinneqarumaarlunilu.

Workshop-imut peqataasinnaanissap/peqataasinnaannginnissap nalunaarutiginissaata killigititaa tassaavoq, ataasinngorneq 26/8-2013 nal. 12.00, uungalu nassiunneqassalluni steen@remove-this.inuit.org

323632-mut aamma sianertoqarsinnaavoq.

Matumani aamma peqataasussaniit paaserusupparput nutserisoqarnissaa kissaatigineqarnersoq. Peqataasussaq inummik ataatsimik marlunnilluunniit peqataatitsisinnaavoq.

Workshop-ip ingerlanneqarnerani nerisaqartitsisoqarumaarpoq.

Inussiarnersumik inuulluaqqusilluta / Venlig hilsen,

ICC Greenland, Steen Jeppson

Transparency International Greenland, Aaja Chemnitz Larsen

WWF, Mette Frost