English
Dansk
Kalaallisut

E-mail iccgreenland@remove-this.inuit.org
Phone +299 323632 

ICC-p siuttui Alaska-mi ataatsimiipput illoqarfimmit Kotzebue-mi (inuttut Qeqertaarsummik taaguutilimmi)

Tusagassiuutinut nalunaarut

Kotzebue, Augustip 15-anni 2013

Inuit Issittormiut Siunnersuisoqatigiiffiata siuttui Aqqaluk Lyngimit siulersorneqartut Alaska-mi ataatsimiipput augustip 13-aniit 15-anut. Ataatsimiinnermi pingaartillugit eqqartorneqarput  ukiup tullissaani FN-p nunarsuaq tamakkerlugut nunat inoqqaavi pillugit ataasimeersuartitsinissaa, tassanilu issittormiut atugaasa immikkut sammisariaqarnerat pingaartumik klimap allanngoriartornerata kingunerisaanik atugarilikkavut.

Tamatuma saniatigut ICC-p eqqartorsimavai Arktisk Rådimi Canadap siulittaasuunerani suliassat piareersaataasut eqqartorsimavaat. ICC-mit qilanaarineqarpoq oqaluttuarisaanermi aaatsaat ministerit ataatsimiittarneranni siulittaasuussammat naggueqaterput Canadameersoq.

Qeqertaarsuk, Kotzebue Alaskamit Inuppiaat namminersornerullutik oqartussaasut  qitiuusumik illoqarfigaat, North West Arctic Borough-mik taaneqartartoq tassani Inuppiaat 12.000 missaani najugaqarput Beringsstrædip sineriaani.