English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

Saamit inuillu sinniisaat Nuummi 23. aamma 24. oktober 2012-mi Nuummi ataatsimeeqatigiinnerminni Nalunaarummik aalajangiipput

Tusagassiorfinnut nalunaarut, Nuummi Oktobarip 25-anni, 2012

Inuit Issittormiut Siunnersuisoqatigiiffiata aaqqissugaanik Inuit issittormiut Saamillu sinniisui Nuummi ataatsimiinneranni Naalagaaffiit Peqatigiit 2014-mi Nunat Inoqqaavi pillugit Ataatsimeersuartitsinissaat pillugu Issittormiut Inoqqaavisa Piareersaataasumik Ataatsimeeqatigiinneranni inaarutaasumik nalunaarut ippassaq oktoberip 24-anni Naalagaaffiit Peqatigiit Ulluanni isumaqatigiissutigalugu aalajangiuppaat.

"Aaqqissuusseqataasutut suliap taama inerneqarnera nuannaarutigeqaara – taamaalilluta 2014-mi ataatsimeersuarnissamut issittormiut sinnerlugit piareersarnitsinnut tunngavissilluarpugut", ICC Kalaallit Nunaat sinnerlugu siulittaasumut tulliusoq Hjalmar Dahl oqarpoq.

Piareersaqatigiilluni ataatsimeeqatigiinnermi aalajangersakkat immikkoortut arfineq pingasut qulequtaat tassaapput nunat inoqqaavisa imminnut aalajangiisinnaanerannut pisinnaatitaaffiit, nunat immikkortuinut, nunanut, immimanut, pisuussutinut, ilitsoqqussaralugu inuussutissarsiutinut pisinnaatitaaffiit, pisuussutinik piiaanermi suliffissuit, nunat inoqqaavisa pisinnaatitaaffiit pillugit anguniagassat.

Inaarutaasumik sumaqatigiissummi aalajangiunneqartut ilaat aamma tassaapput kulturi, oqaatsit, ilinniartitaaneq peqqissutsikkullu pissutsit pillugit pisinnaatitaaffiit. Aalajangiussami nunat inoqqaavisa killeqarfiit akimorlugit pisinnaatitaaffii nunallu tamalaat akornanni suleqatigiinnermut tunngasut aamma ilaapput.

"Ippassaq oktoberip 24-anni Naalagaaffiit Peqatigiit (FN) ulluanni Inuit Saamillu sinniisuusugut Nuummi ataatsimeeqatigiinnitsinni nunarsuup sinnerani nunat inoqqaavinut nalerassaq imartooq taamaalilluta naamassigatsigu Naalagaaffiit Peqatigiinnut isumaqatigiinniarnissamut piareerpugut", Hjalmar Dahl naggasiivoq.

Annertunerusumik paasiniaaffissaq: Hjalmar Dahl – 00299 55 61 26

  • PDF-itut Nalunaarut <media 441 - - "TEXT, Arctic Declaration Nuuk 24th Oct 2012 KAL, Arctic_Declaration_Nuuk_24th_Oct_2012_KAL.pdf, 144 KB">aajuk</media> (144 KB)