English
Dansk
Kalaallisut

E-mail iccgreenland@remove-this.inuit.org
Phone +299 323632 

Aatsitassarsiorneq innuttaasullu pisinnaatitaaffii pillugit ICC qaammarsaaniuteqalerpoq

Tusagasiorfitsigut nalunaarut, Nuumi oktobarip 16-anni, 2012

Sinniisuullutik ICC-imut aallartitat sisamanngornermi oktobarip 11-anni Nuummi ataatsimiipput. ICC-p innuttaasut pisinnaatitaaffiinik paasisitsiniaanissaanik pilersaarutaa akuersaarpaat.

Innuttaasunik paasisitsiniaanissaq Nuummi oktoberip 25-anni aallartissaaq siunertarineqarporlu FN-p nunap inoqqaavisa pisinnaatitaaffii pillugit aalajangersagaa pillugu aamma innuttaasut aatsitassarsiornermut atatillugu pisinnaatitaaffii pillugit qaammarsaaniuteqarnissaq.

Paasisitsiniaaneq Nuummi, Aasianni, Upernavimmi, Maniitsumilu oktoberip naalernerani novembarillu aallartinnerani ingerlanneqassaaq.

ICC-mi siulersuisunut ilaasortaq Nunap inoqqaavisa pisisinnaatitaaffii pillugit isumaqatigiinniarnermi akuusimasoq Hjalmar Dahl aamma ICC-p ilisimatuussutsikkut siunnersuisua Bjarne Lyberth angalassapput.

Paasisitsiniaanermi ICC-p aaqqissuunneqarnera, suliai, minnerunngitsumillu innuttaasut pisinnaatitaaffiinik atuutsitsinissamik aqqutaasinnaasut sammineqassapput. Pisinnaatitaaffinnut tunngatillugu Inuit nunaanni pisuussutinik iluaquteqarneq, iluaquteqarniarnerlu pillugit Inuit tunngaviusumik Nalunaarutaat 2011 Ottawami Inuit siuttuina suliaat tunngavigineqassaaq.

Erseqqissaatigineqarpoq ICC pisuussutinik atuinissamut atuinermullu akerliunngimmat. ICC-mit qularnaarusunneqartut tassaapput, pisuussutinik atuinermi innuttaasut inatsisitigut illersugaasumik aalajangeeqataasinnaanissaat aamma iluaquteqarneq inuuniarnermut iluaqutaanissaa, avatangiisinik innarliinnginnissaq, ikinnerussuteqalinnginnissamut illersorneqarnissaq, pilersaarutit pillugit inuit naligiissumik peqataatinneqarnissaat; minnerunngitsumillu nunap inoqqaavisa pisinnaatitaaffiisa Inatsisitigut illersorneqarnissaat qulakkeerneqaqqaassasoq. Tassani kiffaanngissuseqartumik sioqqutsisumik aamma paasinnittumik akuersisinnaatitaaneq qitiulluinnartoq Inuit Issittormiut Siunnersuisoqatigiiffiata naqissuserpaa.

Paasisitsiniaaaneq OAK Foundationip aningaasaliiffigisimavaa.

Annertunerusumik paasiniaaffiusinnaasoq: Bjarne Lyberth, 32 36 32 imal. Hjalmar Dahl 55 61 26