English (United Kingdom)
Dansk
Kalaallisut

E-mail iccgreenland@remove-this.inuit.org
Phone +299 323632 

ICC-mi pisortaaneq

ICC-mi pisortaanertut piukkunnartoq naleqquttumik qaffasissumik ilinniagaqarsimassaaq aamma ukiuni qassiini nunatsinnut issittumullu tunngassuteqartunik misilittagaqassalluni, soorlu nunat inoqqaavisa pisinnaatitaaffiinut, pisuussutinut uumassusilinnut uumaatsunullu, qangaaniit ilisimasanut, silap pissusiata allanngoriartorneranut, ineriartortitsinermut kiisalu aqutsinermut tunngasunik. Kiisalu qinnuteqartup kalaallisut, tuluttut, danskisullu oqaatsit oqalulluni allallunilu atorluarsinnaassavai.

ICC-p pisortaanera Naalagaaffiit Peqatigiinni Nunat Inoqqaavinut Ataatsimiittartoqatigiinnut, Nunat Inoqqaavisa Piginnaatitaaffii pillugit Naalagaaffiit Peqatigiinni Immikkut Ilisimasallit Suleqatigiiffiannut aamma Issittumi Siunnersuisoqatigiinnut tunngassuteqartunik ICC-p sulinerani ilinniagartuutut naalakkersuinikkullu suliassanut ataqatigiissaarisuussaaq. Tamatuma saniatigut ICC-p pisortaanera Naalakkersuisut oqartussaqarfiinut attuumasuteqartunut attaveqarnermut akisussaassaaq.

Angalasarnissaq naatsorsuutigisariaqarpoq.

  • ICC-p pisortaanerata ICC-p siulittaasua qullersarissavaa taannalu peqatigalugu Kalaallit Nunaanni ICC-mut aallartitat siulersuisuisullu ataatsimiinneri kiisalu ICC-p siulersuisuunerisa ataatsimiinneri aaqqissortassallugit, siunnersuusiorneq oqaluugiaatinik ilusilersuineq aamma suliassarai.

ICC-p pisortaaneratut atorfik aallaqqaamut ukiumut ataatsimut isumaqatigiissuteqarnikkut atorfiussaaq (sivitsorneqarsinnaassalluni).

Akissarsiatigut sulinermilu atukkat nammineerluni isumaqatiginninniutigineqassapput.

Qinnuteqarfissaq kingulleq 1. januar 2012
Atorfinitsitsineq 1. februar 2012

Atorfik pillugu paasissutissat sukumiinerusut ICC-p siulittaasuanit imal. allaffiup pisortaanut Rena Skifte oqarasuaat 323632 atorlugu pissarsiarineqarsinnaapput.
Qinnuteqaat inuttullu atorfeqarnermi misilittakkanik nassuiaat aamma soraarummeernermut uppernarsaatit nuutsinneri suliffimmiillu unnersuussutaasinnaasut nassiunneqassapput mailimut uunga rena@remove-this.inuit.org